O Concello de Bueu pon en marcha o programa de Rutas de Sendeirismo para este verán

19 Xullo 2022

  • Silvia Carballo, concelleira de promoción económica e turismo, salienta a importancia destas camiñadas, que divulgarán o patrimonio natural e cultural da vila
  • A primeira das rutas percorrerá a zona de Ermelo o 25 de xullo, coincidindo coa festividade na aldea

O Concello de Bueu porá en marcha este verán o programa de rutas de sendeirismo coas que se busca a divulgación do patrimonio natural e cultural da vila e o fomento de hábitos saudables. Para cada ruta habilitaranse vinte prazas e as persoas interesadas deberán inscribirse previamente e de balde aquí, ou ben a través do teléfono 986 390 029 (ext. 5) e do correo electrónico turismo@concellodebueu.gal.

O luns 25 de xullo será a primeira das saídas, que percorrerá o sendeiro de Ermelo; e continuarase o 6 de agosto polo sendeiro de Chans, o 20 de agosto, por Udra, e rematarase o 3 de setembro pola Ruta dos Muíños.

As camiñadas arrancarán ás 10:00 horas da mañá e percorreranse todas as parroquias e puntos de interese do Concello, co obxectivo de dar a coñecer a fondo a vila morracense.

Silvia Carballo, concelleira de promoción económica e turismo, salienta que “levamos moitos anos apostando por un turismo sostible e de posta en valor do noso medio”, e estas rutas contan con moita acollida tanto por parte da veciñanza como da cidadanía que visita a localidade morracense ano tras ano.

Rutas “Sabor e mar”

A maiores destes, ata mediados de setembro, tamén se desenvolven as rutas “Sabor e mar” co que se busca achegar os recunchos naturais, culturais e gastronómicos da vila. Cun custe de 6 euros por persoa, estas camiñadas comezarán ás 10.00 horas, e constarán dunha ruta guiada e a elaboración dunha tapa mariñeira por parte dunha cociñeira profesional, que se poderá degustar ao remate na Praza de Abastos.

Está pasando!

xov09mai19:00Coloquios formativos de prevención de violencia de xénero en SanxenxoCentro de Información á Muller (CIM) de Sanxenxo19:00 Sanxenxo

xov09mai19:15xov20:45Proxección de 'Lawrence de Arabia' en Vigo'NO CAMIÑO. PELÍCULAS DE ESTRADA, VIEIROS E HORIZONTES'19:15 - 20:45 Vigo

ven10maiConsultarFesta do Choco en Redondela10 , 11 e 12 de maio de 2023(Consultar: venres) Redondela

ven10mai20:00Oviravai presenta ‘O Violín de Luisa’ en Sanxenxo'sanxenxo fala'20:00 Sanxenxo

VER MÁIS AXENDA