Presentación da Mostra ‘Sanxenxo de Cine’ | Concello de Sanxenxo

O Concello de Sanxenxo amplía a súa oferta cultural coa mostra ‘Sanxenxo de Cine’

26 Maio 2025

O Auditorio acollerá a proxección de ‘Matria’, ‘Polvo Serán’, ‘Malencolía’ e ‘Sirat’, galardoada esta fin de semana no Festival de Cannes

O Concello de Sanxenxo amplía a súa oferta cultural cunha nova proposta para este verán: ‘Sanxenxo de Cine’. O salón de actos do Auditorio Emilia Pardo Bazán converterase nunha sala de cinema para acoller a mostra internacional na que se achegará ao público algunhas das mellores historias do audiovisual galego e nacional como ‘Matria’, ‘Polvo Serán’, ‘Malencolía’ e ‘Sirat’, premiada esta fin de semana no Festival de Cannes.

As proxeccións serán os días 26, 27, 28 e 29 de xuño. As entradas poñeranse á venda en Ataquilla a un prezo de 3,75 euros por película.

Presentación da Mostra ‘Sanxenxo de Cine’ | Concello de Sanxenxo

A concelleira de Cultura e Eventos, Elena Torres, acompañada do produtor de cinema, Dani Froiz e o director, Alfonso Zarauza, presentaron este mediodía o proxecto que combina filmes premiados en festivais con coloquios pensados para fomentar o diálogo directo entre o público con actores e directores das películas proxectadas.

“Sanxenxo de Cine chega para completar a diversidade dunha axenda cultural na que se leva traballando anos e que me fai especial ilusión pola calidade dá proposta”, asegurou. Na mesma liña, explicou que “estou convencida de que é un certame que veu para quedar na axenda cultural de Sanxenxo”.

Dani Froiz destacou a calidade dos catro filmes e a inclusión de ‘Sirat’ no cartel que “acaba de ser premiada polo xurado non festival máis importante do mundo e que nin sequera chegou aos cinemas e vai estar aquí en Sanxenxo este mes de xuño”.

Tamén Alfonso Zarauza, director da película rodada en Sanxenxo ‘Así chegou a noite’ destacou “a calidade dá proposta nunha sala coma esta onde pódese achegar mellor estas películas tanto a veciños como visitantes”. Precisamente o seu filme está previsto que se estree o próximo ano na segunda edición de Sanxenxo de Cine. “Sanxenxo é unha vila con moita personalidade, non é un lugar calquera dentro de Galicia, e creo que esta proposta é un luxo que se pode permitir”, dixo.

Está pasando!

sáb21xuñConsultar‘A Lanzada na Historia’20, 21 e 22 de xuño de 2025(Consultar: sábado) Sanxenxo

sáb21xuñConsultar'O monte é teu’ nos parques forestais de PontevedraActividades en familia nos parques forestais de pontevedra(Consultar: sábado) Pontevedra

sáb21xuñ10:00sáb13:30Andaina interpretativa Marzán e Castro do Pico da BandeiraAndainas O Rosal 202510:00 - 13:30 O Rosal

sáb21xuñConsultarMundial Multisport Pontevedra 2025Do 19 ao 29 de xuño de 2025(Consultar: sábado)

VER MÁIS AXENDA