Fran Martínez ‘O temperamento’ | © Miguel Vidal

Propulsa chega a Marín con dous espectáculos de danza imperdibles

24 Agosto 2021

A Alameda de Marín encherase de danza esta fin de semana da man de Propulsa Danza + Paisaxe + Patrimonio. Trátase dunha programación do Xacobeo 2021-2022 xestionada pola Xunta de Galicia, a través da Agadic, na cal a danza e as artes de movemento están enmarcadas en entornos de gran valor paisaxístico e patrimonial de Galicia.

A cita será na Alameda o venres 27 de agosto ás 20:00 horas e contará con todas as medidas de prevención e control da Covid19.

Os espectáculos que Propulsa levará a Marín serán de dúas compañías, a de Fran Martínez e a de Fran Sieira, que interpretarán ‘O temperamento’ e ‘Coreografías dun DeMente’, respectivamente.

Fran Siera ‘Coreografías dun DeMente’ | © Seimeira Producións

‘O temperamento’

Afastarse, e quedar durmido. Pracidamente. Abandonado. Conmovido. E transitar aqueles territorios que descansan, que se extenden, aparecen e xa desapareceron; que se abalan, estoupan, salpican, que se crispan, que se elevan. A temperatura de tantas paisaxes. O seu temperamento e mailo meu. Para calibrar, unha vez máis, a cantidade de dor e plenitude; canto de cada cabe nunha man e noutra. Que pesa máis. E como non teño nada que perder, pérdome. Porque só quen se entrega resucita.

‘Coreografías dun DeMente’

En ‘DeMente’ plasmaremos unha realidade, un estigma, unhas patoloxías que segundo a Organización Mundial da Saúde (OMS) sufriron, sofren ou sufrirán nalgún momento da súa vida unha de cada catro persoas. A reclusión prácticamente carceraria das persoas “dementes” noutros tempos pasados. Os amoreamentos de persoas enfermas. As contencións mecánicas totais e parciais, así como as contencións químicas (antipsicóticos e outros medicamentos), os suicidios. A explotación da enferma. Plasmaremos, deste xeito, en escena a evolución dos tratamento ás persoas que padecen trastornos mentais, dende os amoreamentos prácticamente carcerarios ata a externalización dos nosos días.

Está pasando!

sáb18mai11:00‘Festa da Lingua’ en Pontevedra17 e 18 de maio de 202411:00 Pontevedra

sáb18mai20:00'Corentena', Perdomo e Touriñán en directo en PontevedraUn espectáculo de David Perdomo e Xosé A. Touriñán 20:00 Pontevedra

sáb18mai20:00Concerto de Corais das Letras Galegas en BueuLetras Galegas 2024 en Bueu20:00 Bueu

sáb18mai21:00'Rock na Rúa' en PonteareasDo 18 de maio ao 22 de xuño de 202421:00 Ponteareas

VER MÁIS AXENDA