Volve o Roteiro Nocturno de Samaín a Salvaterra de Miño

15 Outubro 2024

As inscricións comezan o mércores 16 de outubro e o único requisito para participar é aportar un produto de hixiene ou non perecedoiro para o banco de alimentos

Un ano máis o Concello de Salvaterra de Miño organiza o Roteiro Nocturno de Samaín, unha data moi esperada entre o público que neste 2024 celebrarase o xoves 31 de outubro. Dende a noite e ata a madrugada teremos unha noite terrorífica para nenos e nenas, idade recomendada a partir dos 11 anos, e adultos.

Como sempre aconséllase a todos aqueles que queiran participar que veñan caracterizados xa que esa noite Salvaterra de Miño agochará moitas sorpresas e sustos nun percorrido que comezará na Praza do Concello e rematará no Campo de Fútbol do Casal. Ao remate, os participantes poderán tomar un chocolate quente.

Do mesmo xeito que en edicións anteriores, a saída será ás 20:00 horas e farase escalonada en grupos organizados que deberán seguir as indicacións do percorrido para chegar o final do roteiro.

O prazo de inscrición comeza o mércores 16 e remata o domingo 27 de outubro, ou ata cubrir as prazas, e realizarase a través de este enlace, ao que tamén se pode acceder escaneando o QR. O único requisito para participar será que cada participante deberá traer consigo un produto de hixiene ou produto non perecedoiro para o banco de alimentos do Concello.

A organización recorda que as prazas son limitadas e irán por orde de inscrición.

Está pasando!

ven18outConsultarXVII Certame Galego de Bandas de Música en PontevedraFederación Galega de Bandas de Música Populares(Consultar: venres) Pontevedra

ven18outConsultarVisitas teatralizadas de Samaín para adultos no Castelo de SoutomaiorDo 4 ao 26 de outubro de 2024(Consultar: venres) Soutomaior

ven18outConsultar'Tralará. Contos, obxectos e música', con Marta Ortiz en Pontevedraapego no outono 2024(Consultar: venres) Pontevedra

ven18out19:00ven21:001º Encontro Provincial 'Pontevedra Literaria. Xuventude e Artes' “vivir das letras”19:00 - 21:00 Pontevedra

VER MÁIS AXENDA