Obradoiros con Migallas Teatro | © Concello de Pontevedra

Aberto o prazo de inscrición para os obradoiros ‘Artexoga’ impartidos por Migallas Teatro en Pontevedra

1 Decembro 2023

O prazo para solicitar a preinscrición nos obradoiros ‘Artexoga’, impartidos por Migallas Teatro, está aberto. As familias que teñan interese nalgún dos tres obradoiros poderán solicitalos a través do formulario Artexoga ata o 3 de decembro.

As Concellarías de Cultura e Normalización Lingüística de Pontevedra, colaboran para organizar tres talleres dirixidos a nenas e nenos de entre 5 e 11 anos, onde se desenvolverán actividades de expresión dramática, plástica e musical, así como xogos tradicionais para crear un espazo de socialización en galego. Impartiraos Migallas Teatro a partir de xaneiro de 2024 no Pazo da Cultura.

Cada obradoiro ten un prezo de 50 euros e consta de 14 sesións de hora e media adaptadas aos períodos lectivos escolares entre xaneiro e abril de 2024 a razón dunha sesión semanal e distribuídas consonte os seguintes días e idades:

  • Taller 1: de 8 a 11 anos. Os luns de 18.00 a 19.30 h. Número de participantes: 25
  • Taller 2: de 5 a 7 anos. Os mércores de 17.30 a 19.00 h. Número de participantes: 35
  • Taller 3: de 5 a 7 anos. Os xoves de 17.30 a 19.00 h. Número de participantes: 35

As prazas non se adxudicarán por orde de entrega da solicitude de preinscrición senón que, no caso de que haxa máis solicitudes que prazas ofertadas, farase un sorteo público (o día 5 de decembro) no que se escollerá ao chou unha letra. Esta será a letra do primeiro apelido a partir do que se elaborará a listaxe de participantes. Terán preferencia as solicitudes das persoas con domicilio en Pontevedra.

Antes do 16 de decembro comunicaráselle por correo electrónico a cada unha das persoas solicitantes se obtivo praza no obradoiro solicitado ou se entrou na listaxe de agarda.

Está pasando!

mar30abrConsultarFestas de Santo Tomé en Gondar26 e 30 de abril e 1 de maio de 2024(Consultar: martes) Sanxenxo

mar30abrConsultarFestival ACIGA en PontevedraAsociación de Cerveceiros Indepententes Galegos Artesáns(Consultar: martes) Pontevedra

mar30abr20:30Jocelyne Saab no Cineclube PontevedraOs Martes do mes de Abril20:30 Pontevedra

mar30abr20:30Concerto homenaxe a Morricone, Zimmer e Williamns en VigoROYAL FILM CONCERT ORCHESTRA20:30 Vigo

VER MÁIS AXENDA