“DepoRutas BTT” 2020

15 Agosto 2020

A Deputación de Pontevedra elabora unha serie de programas para o fomento de hábitos saudables a través da práctica de actividade física e deportiva en contacto coa natureza.

A provincia de Pontevedra esconde nos seus montes unha riqueza natural, ecolóxica e patrimonial inigualable. Por iso, a Deputación de Pontevedra anímate a participar no programa “DepoRutas BTT” 2020. Elixe a ruta que máis se adapte ás túas exixencias, sube á bici e prepárate para vivir experiencias únicas: “a vida é como montar en bicicleta, para manter o equilibrio hai que seguir pedaleando”.

O programa “DepoRutas BTT” ofrece 2 rutas totalmente gratuítas, cun máximo de 200 participantes en cada unha.

DEPO RUTA BTT CONCELLO DE PONTEAREAS

  • Apertura de inscricións: luns 24 de agosto
  • Peche de inscricións: luns 07 de setembro
  • Data de realización: domingo 13 de setembro

DEPO RUTA BTT CONCELLO DE MEIS

  • Apertura de inscricións: luns 14 de setembro
  • Peche de inscricións: luns 05 de outubro
  • Data de realización: domingo 11 de outubro

Persoas beneficiarias

O programa está dirixido ás persoas que gocen do deporte en contacto coa natureza; as “DepoRutas BTT” abren a posibilidade de viaxar doutra maneira nunha aposta pola actividade física como forma de vida para coñecer e descubrir a variedade patrimonial da nosa provincia.

O programa está dirixido a persoas, grupos de amigas e amigos ou familias, maiores de 16 anos, que se consideren aptas para levar a cabo a actividade. As e os menores de idade deberán ir acompañados dunha persoa representante ou titora legal; no caso de familias con varias fillas ou fillos abondará cunha persoa representante ou titora legal por familia.

Formalización da inscrición

As e os participantes poderán inscribirse a través da web da Deputación de Pontevedra a partir do día designado para tal efecto pola Deputación e ata completar o límite de prazas.

Ofertaranse un total de 200  prazas. Aquelas persoas que se anoten con posterioridade (ata un máximo de 100) pasarán á lista de agarda. O prazo de inscrición rematará o luns anterior á realización da ruta, ás 12 horas.

No caso de non poder asistir á ruta na que estea inscrita ou inscrito deberá comunicarllo ao Servizo de Deportes antes do peche de inscricións, o luns anterior á realización da ruta ás 12 horas, enviando un correo electrónico co nome e o DNI a deportes@depo.gal; deste xeito pasará a ocupar a súa praza unha persoa da lista de agarda. A partir dese día as persoas que renuncien ou non asistan á ruta serán sancionadas e quedarán automaticamente excluídas do resto de rutas.

Ás persoas participantes confirmaráselles a asistencia a través da web da Deputación de Pontevedra, coa publicación da lista definitiva, e vía SMS, co programa “Depo Informa” da Deputación.

Funcionamento do programa

O programa “DepoRutas BTT” ofrece 2 rutas espectaculares pola provincia de Pontevedra.

A ruta seleccionada realizarase co equipo de persoal establecido pola empresa e inclúe os avituallamentos.

As rutas serán neutralizadas, estarán sinalizadas e deberanse seguir o itinerario e o ritmo marcados pola organización. Será rigorosamente obrigatorio o uso de casco protector durante todo o percorrido. O feito de non respectar esta norma suporá a exclusión da ruta.

+info. en depo.gal/deporuta

Está pasando!

ven26abrConsultarLXIV Festa da Lamprea de Arbo 26, 27 e 28 de abril de 2024(Consultar: venres) Salvaterra de Miño

ven26abrConsultarPortonovo GastronómicoDo 26 ao 28 de abril de 2024(Consultar: venres) Sanxenxo

ven26abrConsultarI Ruta Pinchoterra en Salvaterra de MiñoTodos os venres do mes de abril(Consultar: venres) Salvaterra de Miño

ven26abr20:00Fran Sieira presenta 'Ceibe' en VilagarcíaREDE GALEGA DE TEATROS E AUDITORIOS (AGADIC)20:00 Vilagarcía de Arousa

VER MÁIS AXENDA