Danny Boy, David Amor e Leti da Taberna cítanse no Auditorio de Marín para celebrar a I Gala Benéfica de AFAPO

30 Outubro 2026

Unha boa dose de humor sempre terá a capacidade inesgotable de facer máis levadeiras as situacións difíciles. Así o entende a Asociación de Alzheimer de Pontevedra, Afapo, que hoxe ás 20.30 horas no Auditorio de Marín, en colaboración co Concello, organiza a I Gala Benéfica AFAPO en favor da asociación, coas voces de Danny Boy, David Amor e Leti da Taberna.

Coa metade do aforo xa vendido, desde Afapo e o Concello animan á veciñanza de Marín “a non perderse unha xornada única que servirá para visibilizar o gran traballo que se fai desde Afapo na defensa dunha mellor investigación polo Alzhéimer e tamén para rir, rir moitísimo e usar o humor coo ferramenta de loita”.

Entradas anticipadas á venda a 20 euros no Centro de Día Afapo-Afaga de Marín e en nemoentradas.com

Danny Boy-Rivera, defínese como cómico de nacemento e galego de profesión. A este humorista forxado en Comedy Central, puídoselle ver, ademais de fóra das nosas fronteiras, no Haags Comedy Festival (Holanda), no Festival Internacional do Humor de Bogotá de Caracol TV (Colombia) ou de xira polos Balcáns, actuando en inglés (Eslovenia, Croacia, Serbia y Bosnia).

Ademais, traballou en “Se Hace Saber”, un programa de sketches dirixido por Goyo Jiménez para TVE y, desde 2012 ata o día de hoxe, en “La Oveja Negra”, su anterior show unipersonal, na Chocita del Loro dala Gran Vía de Madrid.

O humorista e presentador galego, David Amor, comezou a súa carreira en 2001 na TVG co programa “O Rei da Comedia”. Desde entón, desenvolveu unha traxectoria diversa, combinando humor, televisión e teatro. Deuse a coñecer nacionalmente coa súa participación en “El Club del Chiste” e “El Club de la Comedia”, o que o levou a percorrer os teatros de toda España cos seus monólogos.

Traballou tamén en series como “Gym Tony” e “Morra o conto”. Conduciu o seu propio late night na TVG, “Con Amor e Compañía”, e foi parte do programa “Tu cara me suena”. En 2025, convértese en participante de MasterChef Celebrity.

No teatro, triunfou coa comedia “Amigos ata a norte”, que se converteu na obra máis recadadora de Galicia. Nos últimos anos, protagonizou “Go Home”, unha comedia negra con crítica social sobre o turismo masivo e a xentrificación, escrita por José Prieto e dirixida por Tito Asorey. A obra, nomeada aos Premios María Casares, xirou por teatros de toda Galicia. Segue tamén activo no mundo do monólogo, e atópase tamén de xira por toda España co seu espectáculo unipersoal de standup, “Love Está En El Aire”.

Leticia Miraz, máis coñecida como Leti da Taberna, é taberneira de nacemento e sociosanitaria de formación. En maio de 2020 comezou a subir contidos a TikTok. A día de hoxe, acumula decenas de miles de seguidores nas redes sociais, converténdose nunha “taberneira virtual”.

Utiliza a ironía para realizar crítica social desde unha perspectiva feminista e en galego. Ademais, conta con 136.000 seguidores en Instagram, Facebook e Tiktok.

Está pasando!

ven30outConsultarA Noite dos Calacús 2026 en PontevedraDo 23 de outubro ao 1 de novembro de 2026(Consultar: venres) Pontevedra

ven30outConsultarSamaín 2026 en Soutomaior30, 31 de outubro e 1 de novembro DE 2026(Consultar: venres) Soutomaior

ven30out17:00Samaín de Campelo 202630 e 31 de outubro de 202617:00 Poio

ven30out17:30'Non é unha caixa', coas Toupeiras en PontevedraApego no outono 202617:30 Pontevedra

VER MÁIS AXENDA