Os Domingos do Principal botan andar este domingo 2 da man do pallaso galego Roi Borrallas

31 Xaneiro 2025

  • Será a primeira das 4 propostas que terán lugar ao longo do mes de febreiro no Pincipal, con pase dobre ás 12h. e 18.30h.
  • O ciclo de artes escénicas para público infantil e adulto, contará en 2025 con dúas tempadas, xa que tamén terá lugar a habitualmente programada en outono, entre outubro e novembro.
  • Nas próximas semanas as compañías Artika Cía (Galiza), Elefante Elegante (Galiza) e La Chana (Salamanca) achegarán ao Teatro Principal espectáculos de teatro, monicreques, música ou clown.
  • Os abonos para todo o ciclo a un prezo de 12 euros e as entradas para cada espectáculo, ao prezo habitual de 4 euros, estarán xa á venda en Ataquilla.com.

A primeira tempada dos Domingos do Principal, das dúas que terán lugar excepcionalmente durante o 2025, bota a andar este domingo da man de Roi Borrallas e o seu espectáculo ‘Solo’, recomendado a partir de 8 anos e tamén para público adulto.

Tal e como comentaba na presentación do ciclo Xacobe Rodríguez, de Teatro Akatro, “comezamos con Roi Borrallas, un clown galego asentado en Cataluña que montou a súa propia compañía. Trae un espectáculo delicado, que combina monicreques con traballo de clown e manipulación. É digno de ver non só para público infantil senón para público adulto. Podería ser programado en Ponteatro e tería o mesmo éxito. Acumula unha morea de premios e vai sorprender”.

Un pallaso ten que estar no palco, co seu público. Mais, que acontece cando queda só? É no camarín onde se mesturan persoa e personaxe. Onde se desfigura a liña que os separa. Un limbo que non é o escenario nin a vida real.

É nesa fronteira onde ten lugar este espectáculo… Pasen e vexan a traseira deste artista, as súas ideas e tolemias, o que ninguén ve, un pallaso cando ninguén o observa.

• Premio Fetén 2023 ao Mellor Intérprete

• Premio Zirkolika 2022 ao Mellor Espectáculo De Pallasos

• Premio da Crítica ao Mellor Espectáculo Nacional de Circo 2024

• Premio da Crítica seleccionado para Mellor Espectáculo Familia 2024

Clown

  • Duración: 45 minutos
  • Recomendado a partir de 8 anos e público adulto

Os abonos para todo o ciclo, a un prezo de 12 euros+ gastos e tamén as entradas soltas para cada espectáculo a un prezo de 4 euros + gastos, están xa á venda en Ataquilla.com e, de non esgotarse, unha hora antes de cada pase na billeteira do Principal.

Está pasando!

mar10novConsultarPontedetapas 2026 en Pontevedrado 4 ao 22 de novembro  de 2026(Consultar: martes) Pontevedra

mar10novConsultarVisitas guiadas en italiano á exposición 'Dante. Dalí' en Vigoa cargo de voluntarios da Società Dante Alighieri Vigo(Consultar: martes) Vigo

mar10novConsultarProgramación 25N en Pontevedra ‘Guía fácil' para acabar coa violencia machista en 4 sinxelos pasos(Consultar: martes) Pontevedra

xov12novConsultarIX Xornadas sobre Antropoloxía en Pontevedra‘A cultura expresiva: as artes na transmisión cultural’(Consultar: xoves) Pontevedra

VER MÁIS AXENDA