Presentación da Festa da Primavera da Parda | © Concello de Pontevedra

A Festa da Primavera da Parda enche de cinema, música, obradoiros e actividades infantís o barrio pontevedrés

29 Abril 2024

  • O vindeiro 4 de maio celebrarase a xornada grande do programa entre o Centro Leste, Pintor Laxeiro e o Parque dos Soutos
  • A concelleira de Promoción Económica, Anabel Gulías, lembra que este tipo de propostas «poñen en valor a vida de barrio e os seus comercios»

A edil de Promoción Económica, Anabel Gulías, presentou este luns, 29 de abril, xunto con representantes da asociación de comerciantes e pequenos empresarios da Parda, a Festa de Primavera do barrio pontevedrés.

Trátase da segunda edición deste evento, consistente nun programa especial de propostas de diverso tipo, que inclúe cinema, música, animación de rúa, actividades infantís… «unha incríbel programación que se desenvolverá até o 4 de maio», tal e como indicou a concelleira.

Gulías lembrou que o programa está en marcha desde o 20 de abril e permite «poñer en valor a vida de barrio», ofrecéndolle unha chea de oportunidades de lecer, ocio e socialización á veciñanza da Parda, ao tempo que se fomenta o consumo de proximidade e se visibilizan os negocios desta zona da cidade.

Todas as actividades programadas teñen unha entrada singular, «un ticket do comercio local». O presidente da asociación, Manuel López, lembrou que o fin desta Festa da Primavera tenta darlle visibilidade aos comerciantes da Parda, agradecendo a colaboración do Concello e demais administracións.

O programa, máis polo miúdo, contempla a proxección da película ‘Mavka. Guardiana del bosque’ no Centro Leste, o vindeiro 3 de maio, ás 20.00 horas. Tamén haberá obradoiros e charlas dos negocios do barrio o sábado 4 de maio, entre as 10.00 e as 14.00 horas, no Centro Leste; ao tempo que entre as 12.00 e as 14.00 horas hai xogos tradicionais familiares en Pintor Laxeiro.

O sábado 4 de maio, ao longo de toda tarde, haberá diversas atraccións infantís en Pintor Laxeiro como Photocall 360, obradoiros de graffiti e o porco mecánico. Tamén, no parque dos Soutos, haberá inchables e celebrarase unha scape room. Os horarios poden ser consultados no Instagram oficial da asociación.

Está pasando!

xov16maiConsultarXXV Festival Internacional de Títeres de RedondelaMemorial Juanjo Amoedo(Consultar: xoves) Redondela

xov16mai19:00Coloquios formativos de prevención de violencia de xénero en SanxenxoCentro de Información á Muller (CIM) de Sanxenxo19:00 Sanxenxo

xov16mai20:00Coloquio 'Alcaldes para un pobo: Bueu 1812-2024'Letras Galegas 2024 en Bueu20:00 Bueu

xov16mai20:00Concerto ‘Negra Sombra’ en Pontevedradía das letras galegas 202420:00 Pontevedra

VER MÁIS AXENDA