Inauguración da exposición ‘Fina Casalderrey. Medrando entre historias’ | © Concello de Pontevedra

A historia vital da escritora Fina Casalderrey xa pode ser gozada a pé de rúa a través da mostra ‘Medrando entre historias’

18 Abril 2024

Dirixida por Gálix, contando co apoio do Concello de Pontevedra, a mostra permite facer un percorrido pola cronoloxía literaria e humana da pontevedresa

A vida de Fina Casalderrey xa poder ser compartida, gozada e aprendida a pé de rúa. A mostra ‘Fina Casalderrey. Medrando entre historias’ ocupa xa o seu lugar na Praza de Ourense co fin de homenaxear e contar a historia da escritora pontevedresa máis recoñecida a nivel internacional.

Escrita por María Lado e ilustrada por Nove Noel, conta con 20 paneis nos que a veciñanza e visitantes poderán afondar no percorrido vital e literario da autora candidata este ano ao premio Memorial Astrid Lindgren e o galardón Hans Christian Andersen, o coñecido coma o Nobel da Literatura Infantil.

Inauguración da exposición ‘Fina Casalderrey. Medrando entre historias’ | © Concello de Pontevedra

A exposición foi promovida por Gálix, contando co apoio do Concello de Pontevedra, e permanecerá na Praza de Ourense até o vindeiro 20 de maio. A escritora, que estivo presente na súa inauguración, amosou o seu agradecemento ao Concello de Pontevedra e a todos os presentes, que sumaban un cento, a través dun fermoso discurso, lembrando que esta se trata «dunha exposición compartida con todos vós».

Pola súa banda, o alcalde, Miguel Anxo Fernández Lores, lembrou que «Fina é o exemplo perfecto de como desde calquera aldea deste país podemos chegar a ser universais sen renunciar á nosa lingua nin á nosa cultura».

A continuación das intervencións iniciais, a responsábel da mostra, María Lado, realizou unha visita guiada pola mesma, acompañada da escritora e de todos os presentes, entre os que figuraban a presidenta do Consello da Cultura Galega, Rosario Álvarez; o presidente da Real Academia Galega, Victor F. Freixanes.

Está pasando!

xov02maiConsultarFestival ACIGA en PontevedraAsociación de Cerveceiros Indepententes Galegos Artesáns(Consultar: xoves) Pontevedra

xov02mai19:00Coloquios formativos de prevención de violencia de xénero en SanxenxoCentro de Información á Muller (CIM) de Sanxenxo19:00 Sanxenxo

ven03mai20:00Proxección de 'O corno' en Redondelaciclo de cine galego20:00 Redondela

sáb04mai18:00Concerto homenaxe a Dany Moure en PontevedraUn evento cheo de música, blues e soul18:00 Pontevedra

VER MÁIS AXENDA