Costa Feira confirma a Manuel Carrasco o 9 de agosto na súa única data en Galicia

24 Xaneiro 2025

Manuel Carrasco e o seu ‘Tour Salvaje’ é a segunda confirmación do Festival Costa Feira 2025 e a súa única data en Galicia. O cantautor onubense únese así a Leiva, que ata agora era o único artista confirmado no marco da terceira edición do festival.

Tras esgotar en menos de hora e media as entradas do inicio de xira en Sevilla o 17 de maio no Estadio A Cartuja e a escasa dispoñibilidade en boa parte das cidades que integran o ‘Tour Salvaje’ de Manuel Carrasco, o artista ampliou en case media ducia de cidades as datas desta xira, que se presenta como a máis importante da súa carreira.

De feito, o éxito do seu primeiro single, “Pueblo Salvaje”, non deixa dúbidas: número 1 en Itunes varios días tras o seu lanzamento, top 5 entre as máis escoitadas en Spotify e top 5 entre os videoclips máis vistos en España… Un novo single verá a luz moi pronto, mentres que este esperado disco verá a luz na primavera.

‘Tour Salvaje’ vai ser a xira musical máis importante das máis de dúas décadas de carreira de Manuel Carrasco porque estará protagonizada pola música que vén, un novo concepto no que o onubense leva meses traballando e que verá a luz proximamente.

Á vez que terminaba de darlle forma ao disco foi creando un novo formato de espectáculo en directo que virará por España durante máis de seis meses, con datas xa confirmadas.

O concerto terá lugar o próximo 9 de agosto ás 22:00 horas e as entradas xa están á venda dende 44 euros.

Está pasando!

xov13feb19:00Proxección de 'Xente corrente' en Pontevedraciclo de cine e saúde mental: O oficio de vivir19:00 Pontevedra

xov13feb20:00Concerto da Orquestra Sinfónica de Galicia en VigoTEMPADA DE ABONOS DE CLÁSICA DO TEATRO AFUNDACIÓN EN VIGO20:00 Vigo

ven14febConsultarNoites Abertas 2025 en Pontevedraampla oferta de ocio alternativo, participativo e inclusivo(Consultar: venres) Pontevedra

sáb15feb17:00Entroido Baiona 2025Desfile de Comparsas e Enterro da Sardiña17:00 Baiona

VER MÁIS AXENDA