A Cova dos Libros Fantásticos | © Salón do Libro Infantil e Xuvenil de Pontevedra

A Cova dos Libros Fantásticos en Pontevedra

xov03outConsultarsáb21decA Cova dos Libros Fantásticos en PontevedraSalón do Libro Infantil e Xuvenil de Pontevedra(Consultar) A Cova dos Libros Fantásticos - Pontevedra

Detalles do Evento

A cativada da cidade poderá gozar a partir deste xoves 3 na Cova dos Libros Fantásticos. Un espazo lector, de encontro e xogo, acodicionado para que as familias con nenos e nenas accedan aos máis de 4.000 libros que conforman o fondo do Salón do Libro.

Esta primeira xornada contará coa visita da afamada e querida mascota Orbil que dará a benvida a que se achegue ás instalacións que, nos próximo meses e ata o 21 de decembro permanecerán abertas os luns e os xoves de 17.00 a 20.00 horas e os sábados de 11:00 a 13:00 horas.

Tal e como vén sendo habitual o acceso á Cova é de balde mais compre formalizar o carné de socio/a para, amais de gozar dos libros no propio espazo, poder levalos emprestados para casa durante uns días.

A organización salienta que no mes de outubro vai festexar o luns 14 o Día das Escritoras, o día 24 o Día das Bibliotecas e prepara unha festa de medo o xoves 31 polo Samaín.

Tamén avanza que puntualmente e por mor dos festivos do 12 de outubro ou o 7 de decembro ou da celebración de outros eventos como Etiqueta Negra ou Culturgal, permanecerá pechada.