Presentación do ‘Nadal no Pazo 2023’ | © Concello de Barro

O Pazo da Crega engalánase para converterse no epicentro do Nadal, cunha programación especialmente dirixida ao público infantil

17 Decembro 2023

O Pazo da Crega ultima os últimos detalles para converterse no epicentro do Nadal no Concello de Barro. Unha equipa de persoas voluntarias leva semanas traballando para pór a punto unhas instalacións polas que pasarán centos de persoas durante este Nadal e que acollerá unha extensa programación na que os máis cativos será os protagonistas.

A apertura das instalacións terá lugar o venres 22, momento a partir do cal o propio Papá Nöel en persoa recibirá as nenas e nenos de Barro, que poderán entregarlle as cartas en man. O mesmo día da inauguración tamén haberá a actuación de Migallas Teatro.

Unha extensa programación que comezará con Migallas nun Pazo da Crega polo que ao longo do Nadal pasarán diferentes grupos e artistas, con actuacións pensadas para todos os públicos: Os Piñeiriños, Josele e Lucía Comesaña, o Grupo de acordeóns Rías Baixas, Aghrú acompañados de Ana Angueira, Caxoto, o grupo de danzas Amor Ruibal, as pandereteiras de Peñaflor, a coral de Curro e a Coral Polifónica de Barro, As Cegas, Branca e Negra, o mago Teto e a Banda Xuvenil de Barro.

Ademais de Papá Nöel, pola Crega tamén pasará o Apalpador o día 30 decembro e os Reis Magos, o día 5 de xaneiro, que iniciarán desde o Pazo a tradicional Cabalgata ata a Nave da Música.

Está pasando!

xov16maiConsultarXXV Festival Internacional de Títeres de RedondelaMemorial Juanjo Amoedo(Consultar: xoves) Redondela

xov16mai19:00Coloquios formativos de prevención de violencia de xénero en SanxenxoCentro de Información á Muller (CIM) de Sanxenxo19:00 Sanxenxo

xov16mai20:00Coloquio 'Alcaldes para un pobo: Bueu 1812-2024'Letras Galegas 2024 en Bueu20:00 Bueu

xov16mai20:00Concerto ‘Negra Sombra’ en Pontevedradía das letras galegas 202420:00 Pontevedra

VER MÁIS AXENDA