Viveiro de Empresas de Lalín | Deputación de Pontevedra

A Deputación de Pontevedra mantén aberto ata o próximo luns 12 de maio o prazo para solicitar a participación no III Programa de Emprendemento no Viveiro de Empresas de Lalín

7 Maio 2025

  • A institución provincial pretende con esta iniciativa impulsar o deseño e posta en marcha de proxectos empresariais que se atopen en fase inicial
  • O programa terá lugar entre maio e xullo e as solicitudes poden realizarse a través do sitio web de SmartPeme+

A Deputación de Pontevedra pechará o próximo luns 12 de maio o prazo para participar no III Programa de Emprendemento, que se desenvolverá no Viveiro de Empresas de Lalín, situado no Polígono Industrial Lalín 2000, entre o 15 de maio e o 15 de xullo.

Con este programa a institución provincial axudará as persoas emprendedoras que resulten seleccionadas co deseño e a posta en marcha dos seus proxectos empresariais, que deberán atoparse nunha fase inicial. O trámite pode realizarse a través do sitio web de SmartPeme+.

O Programa de Crecemento Empresarial no Viveiro de Lalín, unha iniciativa de SmartPeme+, está destinado a aquelas persoas que acaban de iniciar a actividade do seu proxecto. Para poder ser seleccionadas deben ter o seu domicilio social e principal na provincia de Pontevedra ou, no caso de non estar constituído o proxecto, que a persoa responsable sexa residente neste territorio.

Á hora de presentar as súas solicitudes deberán achegar unha memoria, cunha extensión máxima de 5 páxinas, na que se especificarán os obxectivos do proxecto, así como as metas que se buscan alcanzar coa participación programa, a identidade corporativa, a actividade a realizar e a descrición do produto ou servizo ofrecido. Ademais, tamén se deberá enviar un documento co perfil dos participantes.

Os proxectos, que serán seleccionados pola Deputación da man dun equipo técnico de SmartPeme+, beneficiaranse dun completo programa formativo no Viveiro de Lalín que se estenderá entre o 15 de maio e o 15 de xullo.

Durante este período, as persoas emprendedoras recibirán asesoramentos individuais e personalizados adaptados ás necesidades específicas de cada participante. Tamén se achegará formación sobre o plan de empresa e de márketing e a análise do comportamento dos consumidores, así como sobre axudas para impulsar proxectos emprendedores, identidade corporativa ou produto mínimo viable.

Ademais, no marco do III Programa de Emprendemento no Viveiro de Empresas de Lalín, realizaranse encontros con empresas, nos que se darán a coñecer casos de éxito de edicións anteriores da iniciativa, accións de outdoor training e actividades de Lego Serious Play.

Ao remate do programa terá lugar unha xornada de presentación dos proxectos onde un comité de avaliación fará entrega do premio á mellor iniciativa de emprendemento de entre os proxectos participantes.

Está pasando!

xov08maiConsultarTapeaPoio 2025II certame de tapas de Poio(Consultar: xoves) Poio

xov08mai19:00“Contrapuntos”, música e memoria no Museo de PontevedraHomenaxe a Castelao e Virxinia Pereira19:00 Pontevedra

ven09maiConsultarO Día de Colón 2025 en PoioFesta medieval que revindica a orixe galega de Colón(Consultar: venres) Poio

ven09maiConsultarXXXVIII Festa do Choco de RedondelaFesta de Interese Turístico de Galicia (Consultar: venres) Redondela

VER MÁIS AXENDA