O humor ianqui de Goyo Jiménez regresará a Vilagarcía co espectáculo ‘América Forever: The final refrito’

4 Xuño 2026

  • Goyo Jiménez, o humorista especializado en USA, regresa a Vilagarcía en novembro con ‘America Forever: The final refrito’, un novo espectáculo, quizá o definitivo, da serie ianqui do cómico albaceteño.
  • O monologuista dedica este episodio a relatar co seu característico estilo os cambios que a sociedade estadounidense tren sufrido nos últimos tempos e que sorprenden máis alá das súas fronteiras.
  • Unha recompilación definitiva dos mellores momentos da mítica triloxía ‘Aiguantulivinamérica’.

A actuación terá lugar o 27 de novembro, a partir das 20:30 horas, no Auditorio Municipal de Vilagarcía, un recinto que Goyo coñece xa das súas anteriores visitas á capital arousá.

Goyo Jiménez é un humorista, actor, presentador, guionista, produtor e director coñecido por colaborar en diferentes programas de televisión, pero sobre todo, grazas á súa faceta como cómico ou monologuista de ‘stand up comedy’.

Despois de conquistar América… sen saír de España, e de demostrarnos que os estadounidenses e o resto da poboación mundial convivimos no mesmo planeta só por un erro administrativo, Goyo Jiménez regresa co espectáculo que ninguén pediu, pero todos necesitabamos… ‘América Forever: The final refrito’. A recompilación definitiva dos mellores momentos da súa mítica triloxía “Aiguantulivinamérica”.

Pero, atención: que, ademais, o show trae achega vitamínica. Porque Estados Unidos cambiou, o mundo cambiou e, aínda que custe crelo polo seu imperecedoiro aspecto xuvenil, Goyo Jiménez tamén cambiou.

Agora, en América os heroes de acción non fan cortes senón hashtags nas culatas das súas pistolas, o amor é fluído, vegano e polivalente, e os veciños do Medio Oeste almorzan “smoothies” salteados con culpa ecolóxica. Mentres tanto, no resto do mundo… seguimos facendo o que podemos co que temos cando nolo permiten… só que con menos cobertura e máis ansiedade.

‘América Forever: The final refrito’ é unha festa da risa, unha homenaxe actualizada a todo o que nos fixo rir e pensar, pero con novos ingredientes, novas reflexións e o mesmo inconfundible sabor ‘Made In Goyo’.

As entradas están á venda en Ataquilla.com aos prezos de 28 euros nas zonas A e B, e a 26 na C (máis gastos de xestión). De non esgotarse antes, tamén se poderán adquirir o día da función, na billeteira do Auditorio, a partir das 18:30 horas.

Está pasando!

xov04xuñConsultar'Maio, mes da lingua' en PontevedraConcello de Pontevedra(Consultar: xoves) Pontevedra

xov04xuñConsultarLIII Festa do Viño Tinto do Salnés en Ribadumiae Exaltación das Variedades Autóctonas(Consultar: xoves) Ribadumia

ven05xuñConsultarFesta da Coca 2026 en RedondelaDo 30 de maio ao 7 de xuño de 2026(Consultar: venres) Redondela

ven05xuñConsultarCorpus Christi 2026 en Ponteareasdo 14 de maio ao 5 de xullo de 2026(Consultar: venres) Ponteareas

VER MÁIS AXENDA