O xornalista Javier Conde presenta o seu libro ‘Vidas exiliadas’ en Vilaboa

26 Febreiro 2025

O local social da Canteira en Paredes (Vilaboa) acolle este venres 28 de febreiro a presentación do libro “Vidas exiliadas. Veintiún historias de desarraigo y luchas políticas”, de Javier Conde, xornalista, reporteiro e escritor que emigrou a Venezuela nos anos 60 desde a súa Vilaboa natal.

O acto terá lugar ás 19.30 horas, con entrada libre ata completar cabida.

‘Vidas Exiliadas’ reúne 21 historias de homes e mulleres que tiveron que sair das súas nacións de orixe, fundamentalmente por razóns políticas. Cunha fusión de xéneros, o xornalista detalla diferentes experiencias vitais unidas polo fío da emigración. Incluída a súa propia.

Javier Conde deixou España aos 8 anos de idade e chegou coa súa nai, mariscadora en Paredes, ata Venezuela, ainda que tamén percorrería Colombia e Uruguay.

Agora, de volta na súa Galicia natal, recopilou documentación para presentar esta obra que afonda nas diferentes causas, moitas veces políticas, que forzan ao desterro e á migración.

Para Javier Conde este libro reflexa o seu potencial profesional para narrar historias coa capacidade de emocionar ao lector e no que se amosa como un xornalista comprometido coa loita democrática e a liberdade, analizando os procesos con sentido crítico.

Está pasando!

mér26feb19:00mér20:30'Olladas musicais' no Museo de Pontevedracharlas interactivas e audicións comentadas19:00 - 20:30 Pontevedra

xov27feb21:00Ponteatro: '2Pilgrims’ de Redrum TeatroCICLO TEATRAL PARA PÚBLICO ADULTO21:00 Pontevedra

ven28febConsultarEntroido Marín 2025Do venres 28 de febreiro ao 23 de marzo de 2025(Consultar: venres) Marín

ven28febConsultarEntroido Bueu 2025Do 28 de febreiro ao 15 de marzo de 2025(Consultar: venres) Bueu

VER MÁIS AXENDA