O Museo de Pontevedra acollerá do 12 ao 14 de setembro o XVII Congreso Nacional de Numismática

5 Agosto 2024

Do 12 ao 14 de setembro de 2024, o Edificio Castelao acollerá a XVII edición do Congreso Nacional de Numismática, organizado polo Museo de Pontevedra e a Sociedade Iberoamericana de Estudos Numismáticos.

‘Numismática, que e para que? Xeración e transferencia de coñecemento’ é o tema que vertebrará esta edición do congreso. Profesionais procedentes de distintos ámbitos relacionados con esta disciplina protagonizarán sesións de debate nas que se poñerá o foco no futuro que lles espera ao estudo e á divulgación desta ciencia.

Tamén terán cabida a presentación e a comunicación de estudos recentes sobre coleccións, novos achados e proxectos de investigación en desenvolvemento. A programación completarase con actividades didácticas.

Con esta edición preténdese crear un espazo de diálogo común no que participen persoas especialistas e iniciadas, achegar a disciplina a quen non a coñeza e xerar un compromiso de coparticipación entre aquelas que a manteñen vixente para establecer novas dinámicas que garantan a súa supervivencia.

Máis información, programa e formulario de inscrición aquí.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA