Terra Grovii en colaboración co Concello de Salvaterra organiza unha visita nocturna guiada aos petróglifos de Soutolobre-Lourido

10 Xullo 2024

A asociación, sen ánimo de lucro, Terra Grovii, organiza os días 26 e 27 de xullo, en colaboración co Concello de Salvaterra do Miño unha visita nocturna ao xacemento do castro de Os Penedos, entre as parroquias de Soutolobre e Lourido

Terra Grovii, creada hai poucos meses para protexer, manter e facer visible o patrimonio, comezará a realizar actividades para cumprir estes obxectivos. A asociación naceu tras a intervención arqueolóxica, no devandito xacemento, polo arqueólogo Francisco Herves, contratado polo Concello de Salvaterra en 2017 para estudar e descubrir o que a un veciño da zona parecíalle unha escultura antropomorfa.

A actividade, a primeira realizada entre a Asociación e o Concello, se levará a cabo pola noite, xa que a luz das lanternas a determinada inclinación permite apreciar mellor algunhas escenas dos petróglifos, e que, no caso deste xacemento, aínda que xa están rexistrados, áchanse sen previo estudo, polo que a visita ofrece aos asistentes coñecer un lugar inédito e único.

Os membros da Asociación, que traballaron man a man con Herves, na realización dos traballos arqueolóxicos, para descubrir e estudar esta forma de vida ancestral da nosa terra, son os guías mellor preparados para ensinarnos os próximos 26 e 27 de xullo ás 22:00 horas o patrimonio da zona. Esta actividade terá prazas limitadas e terminarase cunha chocolatada.

Está pasando!

lun23decConsultarSanxenxo no Nadal 2024Do 29 de novembro de 2024 ao 6 de xaneiro de 2025(Consultar: luns) Sanxenxo

lun23decConsultarVive o Nadal 2024 en Salvaterra de MiñoDo 8 de decembro de 2024 ao 5 de xaneiro de 2025(Consultar: luns) Salvaterra de Miño

lun23decConsultarNadal Marín 2024Do 5 de decembro de 2024 ao 5 de xaneiro de 2025(Consultar: luns) Marín

lun23decConsultarVivir o Nadal en Soutomaior 2024Do 7 de decembro de 2024 ao 6 de xaneiro de 2025(Consultar: luns)

VER MÁIS AXENDA