O Concello de Nigrán celebra o ‘Mes Violeta’ cunha ampla programación adicada á igualdade de xénero

11 Marzo 2023

O teatro científico de Luisa Martínez celebrado o pasado sábado dará paso á o domingo 12 ao espectáculo cómico de Arantxa Treus, o domingo 19 cine infantil, escape-room familiar o sábado 25, cine o xoves 30 e actividades todo o mes nos centros educativos ou na Biblioteca

O Concello de Nigrán abriu o pasado 4 de marzo a programación especial do ‘Mes Violeta’ cunha morea de actividades destinadas a concienciar sobre a igualdade de xénero entre público infantil, adulto e adolescente, téndose deseñado para chegar así a toda a veciñanza e sendo a maioría abertas ao público e outras destinadas específicamente aos centros educativos.

Sábado, 4 de marzo

  • O Auditorio Municipal de Nigrán acollerá este sábado, 4 de marzo ás 19:00 horas, a representación da obra de teatro científico ‘Que traballo tan curioso!’, unha creación dirixida a público infantil, da Unidade de Cultura Científica do Consello Superior de Investigacións Científicas (CSIC) en Galicia. A divulgadora Luisa Martínez Lorenzo, veciña de Nigrán e responsable desta unidade, protagoniza esta obra como investigadora, convidando o público a que adiviñe cal é a súa profesión. A obra encádrase no proxecto ‘Ciudad Ciencia’.

Mércores, 8 de marzo

  • Marcha de Mulleres desde a Praza do Concello ás 12:00 horas para participar na Ramallosa na concentración das 12:30 horas.

Domingo 12 de marzo

  • Ás 19:00 horas no Auditorio Municipal. Espectáculo cómico. ‘Sexo débil, o carallo!’ a cargo da actriz e monologista Arantxa Treus, premio Fetega á mellor monologista cómica en 2020, coñecida por series de televisión como Serramoura ou Fariña. É un show de comedia na que se abordan cuestións como a sexualidade feminina, as relacións de parella, ou as esixencias estéticas que sofren as mulleres…

Domingo 19 de marzo

  • As 17:00 horas no Auditorio Municipal. Proxección cinematográfica do filme ‘Valentina’. A protagonista soña con ser trapecista e cree que por ser Down non poderá conseguilo. A súa aboa, compañeira de xogos, aprendizaxes e cancións, asegúralle que se as orúgas consiguen converterse en maripósa nada é imposible.

Sábado 25 de marzo

  • Ás 10:30 h. no Auditorio Municipal. Scape room ‘Desmontando a desigualdade’. As persoas interesadas deberán inscribirse previamente por grupos (informarase convintemente). Os/as participantes deberán resolver varios retos relacionados coa desigualdade entre mulleres e homes, os estereotipos e roles de xénero, a biografía de mulleres relevantes en distintos ámbitos de coñecemento …

Xoves, 30 de marzo

  • Proxección especial dunha película seleccionada entre o Concello de Nigrán e o cine-club Val Miñor Alice-Guy ás 20:00 horas no Auditorio Municipal.

Todo o mes

  • Estantería Violeta na Biblioteca Municipal. Selección de libros do fondo municipal con temática de igualdade , autoras femininas…..
  • Os días 7, 8 e 9 de marzo, se desenvolverá o espectáculo ‘Lúa queres ir a … Marte!’ en sete centros educativos do Concello de Nigrán durante a xornada escolar. Lúa a protagonista desta peza quere ser astronauta e viaxar a Marte. Grandes mulleres científicas, investigadoras e astronautas son o seu referente para enfrontarse aos impedimentos que lle queren impoñer.
  • O 9 de marzo no CEIP Arquitecto Palacios, dentro do programa ‘Violencia Zero’ da Deputación de Pontevedra, terá lugar a peza performativa ‘Flamma’ con texto en sistema de sonido, performance, vestiario-escultórico e danza. Para reivindicar que o noso corpo é noso, que é violentado incluso nos seus procesos máis propios, xulgado, maltratado, agredido.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA