‘Tres vellas na romaría’ | © Excéntricas Producións

A 12º edición de ‘Sete Falares’, trae a Pontevedra contadores e contadoras de historias chegados de Arxentina, Portugal, Galicia, Canarias ou Castela León

28 Maio 2024

  • O evento coordinado por Pavís Pavós, terá lugar o 2 ou 8 de xuño e contará con Rodolfo Castro, Cris de Caldas, Dois dos Montes: Vítor Fernandes e Estefânia Surreira, Ernesto Abad, Atenea García, etc.
  • O Teatro Principal, as Ruínas de San Domingos e o CITA serán os escenarios aos que se suma por primeria vez o Parador de Pontevedra – Casa do Barón
  • Será preciso mercar entradas en Ataquilla.com para os espectáculos inaugural (domingo 2 ás 20:00 horas) e clausura (sábado 8 ás 21:00 horas). a un prezo é de 8 euros (4 euros para estudantes, persoas desempregadas e maiores de 65 anos)
  • O resto das contadas serán con entrada de balde ata completar cabida, a excepción das 4 quendas da Rota de Historias do día 7 que precisan retirada previa de convite na billeteira do Principal a partir das 20.30 horas do propio venres

Este domingo 2 botará a andar no Teatro principal de Pontevedra a 12ª edición do Encontro Internacional de Contadores de Historias ‘Sete Falares’. Será ás 20:00 horas da man de Quico Cadaval, Celso Fernández Sanmartín e Gui con “Tres vellas na romaría”. O espectáculo inaugural conta xunto a clausura o sábado 8 ás 21:00 horas, con venda de entradas en Ataquilla.com a un prezo xeral de 8 euros e reducido de 4 euros para estudantes, persoas desempregadas e maiores de 65 anos.

Entre o 2 e o 8 de xuño será posible gozar no Teatro Principal, CITA, Ruínas de San Domingos e Parador de Pontevedra coas historias chegadas de Arxentina da man da Rodolfo Castro, Portugal con Estefânia Surreira e Vítor Fernandes, Canarias con Ernesto Abad, Castela León con José Luís Gutiérrez “Guti” ou Galiza con Atenea García, Cándido Pazó, Celso Fernández Sanmartín, Dani Blanco, Pavís Pavós, Quico Cadaval e Cris de Caldas.

Serán sete días seguidos de narración oral que podedes consultar en setefalares.eu.

Así, a programación da 12ª edición do Encontro Internacional de Contadores de Historias Sete Falares é a seguinte:

Domingo 2 xuño

  • 20:00 h. Inauguración no Teatro Principal. ‘Tres vellas na romaría’ (Celso Fernández, José Luís Gutiérrez “Guti” e Quico Cadaval). Entradas a 8 euros en Ataquilla.com

Segunda feira 3 xuño

  • 20:00 h. Ruínas de San Domingos. Atenea García (Galiza)

Terza feira 4 xuño

  • 20:00 h. Ruínas de San Domingos. Dani Blanco (Galiza)

Cuarta feira 5 xuño

  • 20:00 h. Ruínas de San Domingos. Cándido Pazó (Galiza)

Quinta feira 6 xuño

  • 20:00 h. Teatro Principal. Tres eran tres…: Dois dos Montes: Vítor Fernandes e Estefânia Surreira (Portugal) e Rodolfo Castro (Arxentina)
  • 22:00 h. Ruínas de San Domingos. De dous en dous: Ernesto Abad (Canarias) e Cándido Pazó (Galiza)

Sexta feira 7 xuño

  • 18:00 h. CITA. Ernesto Abad (Canarias)
  • 21:00, 21:20, 21:40 e 22:00 h. Rota de historias por Pontevedra: En 4 grupos de 50 persoas ás horas sinaladas, percorreremos puntos emblemáticos da cidade mentres escoitamos historias. Gozaremos coas historias de Pavís Pavós, Rodolfo Castro, Cris de Caldas, Dois dos Montes: Vítor Fernandes e Estefânia Surreira, Ernesto Abad e Cándido Pazó. As invitacións poderán recollerse na billeteira do Teatro Principal de Pontevedra desde as 20:30 horas para calquera das funcións

Sábado 8 xuño

  • 13:00 h. Parador de Turismo: Casa do Barón. Contos no Parador con Rodolfo Castro
  • 18:00 h. CITA. Os dois dos montes: Vítor Fernandes e Estefânia Surreira
  • 21:00 h. Teatro Principal. Gala de Clausura con: Cris de Caldas, Dois dos Montes: Vítor Fernandes e Estefânia Surreira, Rodolfo Castro, Ernesto Abad e Cándido Pazó. Entradas á venda en Ataquilla.com a un prezo de 8 euros
Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA