Presentación do ‘Circo de Pinocho’ | © Educateatro Producións

A historia de Pinocho e a maxia do circo chegan a Marín

29 Novembro 2024

Na Praza do Regueiro (Cantodarea) xa está lista a carpa que esta fin de semana acollerá o espectáculo de Educateatro Producións, que non deixará indiferente a pequenos e maiores! Circo de Pinocho.

O evento foi presentado polo produtor de Educateatro Producións, Xandre Vázquez; director da Axencia Galega das Industrias Culturais, Jacobo Sutil; a alcaldesa, María Ramallo e a concelleira de Cultura, Marián Sanmartín.

As funcións terán lugar o venres 29 de novembro ás 18:30 horas, o sábado 30 ás 17:00 horas e o domingo 1 ás 12:00 e ás 17:00 horas.

As entradas xa se poden adquirir na web www.circodepinocho.gal e, se non se esgotan previamente, tamén no despacho de billetes da propia carpa desde unha hora antes de cada función.

Presentación do ‘Circo de Pinocho’ | © Educateatro Producións

Durante as dúas horas de función, descanso incluído, o público acompañará ao protagonista a cumplir o seu soño de montar un circo. Para iso, Gepetto construirá aos bonecos que, coa maxia da Fada Mimadriña, volveranse de carne e óso para ofrecer números de corda frouxa, malabares, suspensión capilar, acrobacias, trapecio… aderezadas por unha banda sonora orixinal composta por 20 cancións.

Despois de que a Fada Mimadriña convertese a Pinocho nun neno de verdade, o noso protagonista cumpre o seu soño e monta o Circo de Pinocho. Geppeto será o pallaso, a Fada a trapecista e Pepiño Grilo o mestre de cerimonias, pero… faltan o resto de artistas! Geppeto construirá os bonecos que realizarán números de corda frouxa, equilibristas, malabarista, acróbatas… e a Fada Mimadriña daralles vida co seu conxuro.

‘Circo de Pinocho’ | © Educateatro Producións

Co que non contaba ninguén é que este mesmo feitizo fará que Pinocho se transforme de novo nun boneco de madeira.

Durante o fantástico espectáculo de circo, Pinocho e Pepiño Grilo terán que atopar á Fada para reverter o conxuro, pero non aparece por ningures. Raptouna a malvada Chinche Chinchón, que está reclutando artistas para o circo da competencia.

Poderán os protagonistas liberala para que Pinocho volva ser un neno de verdade?

Está pasando!

ven29novConsultarSanxenxo no Nadal 2024Do 29 de novembro de 2024 ao 6 de xaneiro de 2025(Consultar: venres) Sanxenxo

ven29novConsultarCulturgal 2024 en PontevedraFeira das Culturas Galegas(Consultar: venres) Pontevedra

ven29novConsultarCirco de Pinocho en Maríno novo espectáculo de Educateatro Producións(Consultar: venres) Marín

ven29novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: venres) Ribadumia

VER MÁIS AXENDA