A previsión meteorolóxica adía o comezo do ciclo ‘Sons de Outono’ do Seminario Permanente de Jazz previsto para este sábado

22 Novembro 2024

  • O primeiro concerto pasará a ser o do grupo de rock, Froján o sábado 7 de decembro
  • Excepcionalmente terá lugar o domingo 8 a actuación de Acoustic Solar, inicialmente prevista para este sábado 23
  • Brass Atlantic mantén a súa data inicial o sábado 14 e o sábado 21 será a nova data para David Taboada Trío
  • Todas as actuacións terán lugar ás 12h. na Praza da Peregrina e, no caso de choiva, mudarán ao palco da música da Alameda

A mala previsión meteorolóxica obrigou a replantexar o progama do ciclo ‘Sons de Outono’, coordinado por Luis Carballo do Seminario Permanente de Jazz.

O concerto incial, previsto para este sábado 23 e a cargo da banda Acoustic Solar, terá lugar finalmente o domingo 8 de decembro e será o grupo de rock Foján o encargado de abrir a rolda de actuacións o sábado 7 de decembro.

Estas modificacións afectarán tamén ao resto do ciclo que manten a cita con Brass Atlantic o sábado 14 de decembro (data na que inicialmente remataría o ciclo) e engade o sábado 21 para que David Taboada Trío peche esta programación musical que pretende achegar o Jazz aos viandantes e dinamizar a cidade.

En caso de choiva, os concertos trasladaranse ao palco da música de Alameda.

Sábado 7 de decembro ás 12h. na Praza da Peregrina 12h. – Froján

Froján é poesía autodestructiva en equilibrio coa forza do rock alternativo. Unha banda nova con ganas de facer sentir aos seus oíntes as historias de vida que albergan as súas cancións. Asentados na cidade de Pontevedra, acaban de publicar o seu segundo disco, ‘Reflexos’, producido por Kolibrí Díaz (guitarrista de Marea) nos ‘Estudos R5’ (Iruña).

Ademais do especial coidado posto nas letras, con influencias da poesía de Kutxi Romero ou Robe Iniesta, conseguen crear un estilo propio fusionando detalles barrocos e clásicos co son das bandas de referencia do rock estatal.

  • Miguel Froján: voz e guitarra
  • Robert Beade: guitarra
  • Sergi Outeiral: baixo eléctrico
  • Óscar Mourelos: batería

Domingo 8 de decembro ás 12h. na Praza da Peregrina – Acoustic Solar

Creado no ano 2024 por alumnos do Seminario Permanente de Jazz de Pontevedra, o «Acoustic Solar Trio» é un grupo formado por Luis Felipe Fernández Alfonso (saxo alto), Javier Abraldes (guitarra) e Berto Rial (contrabaixo).

O groso do seu repertorio confórmano os standards clásicos do jazz, pero amén inclúe versións jazzísticas de música de influencia funk, góspel e soul.

Sábado 14 de decembro ás 12h. na Praza da Peregrina – Brass Atlantic

Brass Atlantic é unha banda de instrumentos de vento e percusión que naceu de modo espontáneo no ano 2022 da man dun grupo de amigos e experimentados músicos de jazz. Nesta agrupación se reflicte en certo modo a profunda influencia das primeiras brass bands americanas ata ás máis actuais.

Este ensemble aborda un repertorio variado, lembrando ás bandas de Nova Orleáns, no que se aprecian estilos tan dispares coma o dixieland, o swing, o blues, o jazz, o soul ou o funk.

  • Rosolino Marinello: saxo alto
  • Sarunas Pupelis: saxo tenor
  • Ginés Guerra: trombón
  • Lolo Martínez: tuba
  • Noli Torres: batería

Sábado 21 de decembro ás 12h. na Praza da Peregrina – David Taboada Trío

Trío formado por tres músicos moi novos, coa presenza da contrabaixista cubana Judit Almeida, todo un referente no jazz galego actual, o pianista Mateo Sestelo e o baterísta David Taboada, dous xovencísimos músicos pontareáns que están chamados a ser referentes deste estilo musical en Galiza.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

VER MÁIS AXENDA