‘Viaxando. Coleccións de Arte Afundación e ABANCA’ | © Concello de Salvaterra de Miño

Afundación recolle nunha exposición obras de arte que invitan a viaxar a través das coleccións ABANCA e Afundación

22 Maio 2023

  • A mostra de rúa se presenta por primeira vez ao público en Salvaterra de Miño en colaboración con ABANCA e o Concello da localidade
  • A presentación a medios tivo lugar o venres 19 de maio, ás 10.00 horas, na Praza do Concello

Afundación presentou a súa nova aposta pola divulgación das coleccións ABANCA e Afundación, unha mostra de rúa que se presenta en Salvaterra de Miño grazas á colaboración entre Afundación, ABANCA e o Concello da localidade. A exposición de rúa ‘Viaxando. Coleccións de Arte Afundación e ABANCA’ se atopa ata o próximo 11 de xuño na Praza do Concello.

Ao acto de presentación asistiron a alcaldesa de Salvaterra de Miño, Marta Valcárcel; o coordinador de banca institucional de ABANCA en Pontevedra, José L. Romero; a directora da oficina de ABANCA en Salvaterra de Miño, M.ª Ángeles Palacios; e a coordinadora adxunta da Área de Cultura de Afundación, Paloma Vela.

Presentación da Mostra ‘Viaxando. Coleccións de Arte Afundación e ABANCA’ | © Concello de Salvaterra de Miño

Co obxectivo de amosar as coleccións de arte de ABANCA e Afundación fóra das súas sedes, Afundación deseñou unha exposición de rúa que permite encher as prazas de diferentes localidades galegas coa creación dalgún dos artistas galegos máis interesantes dos últimos douscentos anos. Obras que poden enmarcarse no impresionismo, o rexionalismo, romanticismo ou naturalismo, pero tamén novas linguaxes contemporáneas que mesturan a colaxe, o grafitti, a fotografía ou incluso o fume con trazos de factura moi persoal.

Todas as pezas seleccionadas convidan a facer unha viaxe, unhas por Galicia e outras arredor do mundo: Siena, O Cairo, A Habana, Chicago, a Antártida, a India ou Tokio a través da obra de importantes nomes da arte como Villaamil, Sotomayor, Carlos Sobrino, Freixanes, Pamen Pereira ou Berta Cáccamo, entre outros. A cronoloxía das pezas abrangue desde finais do século XIX ata a actualidade, e cada unha delas vai acompañada dun texto divulgativo escrito pola crítica de arte Mercedes Rozas.

O concepto do proxecto, a viaxe, sempre supuxo unha procura de bagaxe intelectual, un desexo de experiencia e un xeito de descubrir novos rumbos para a produción artística, pero tamén é unha experiencia enriquecedora para todos os viaxeiros. Por iso a exposición invita a facer unha viaxe, a deixar voar a imaxinación para percorrer as rúas, os campos, respirar as atmosferas e as sensacións que evoca cada imaxe.

Toda viaxe implica unha aprendizaxe, un pequeno ou gran cambio na persoa que o protagoniza; con esta mostra, Afundación, Obra Social ABANCA, invita a facelo a través dunha viaxe con moita arte.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA