Presentación do Samaín en Campelo | © Concello de Poio

Corredoira do terror, espectáculo de lume e moitas actividades máis no Samaín de Campelo, en Poio

23 Outubro 2024

  • Organizado pola Asociación de Mulleres Arela e coa colaboración do Concello de Poio, destacan que o gran logro desta celebración é que conseguiu implicar a toda a veciñanza que ven nesta cita unha oportunidade para dinamizar o lugar e espertar a creatividade.
  • A programación comeza xa este sábado, 26 de outubro, con obradoiros de cabazas.

Campelo comeza a prepararse para celebrar o Samaín, unha das celebracións referentes na provincia, que xa leva doce anos celebrándose e que, ademais, involucra a toda a veciñanza deste lugar.

Precisamente, desde a Asociación de Mulleres Arela aseguran que este é o gran logro desta celebración, que conta coa participación de todas as veciñas e veciños da contorna que ven nesta cita unha oportunidade para dinamizar o lugar e espertar a creatividade.

O alcalde de Poio, Ángel Moldes, e representantes da asociación presentaron a programación deste ano, que arranca xa este sábado cos obradoiros de cabazas.

Ata o 2 de novembro, haberá moitas actividades, entre as que se inclúen cine, o domingo 27; contadas terroríficas, o venres 1 de novembro; e truco ou trato o sábado 2, pero o día principal será o xoves 31 de outubro, coa Cova das Druídas, a Corredoira do Terror, “grande, divertida e que combina tradición e modernidade”, e o espectáculo de lume. Será a partir das 18.00 horas.

As actividades desenvolveranse no interior da carpa instalada na Praza da Granxa.

Ángel Moldes, anima a grandes e pequenos de todo o concello a pasar unha xornada zombie e de terror en Campelo, unha iniciativa que, recorda, “nace dos propios veciños e veciñas e que cada ano suma máis participantes.

É unha cita imprescindible, unha festa que cada vez está máis presente no calendario das familias e o mellor lugar para gozala é no Samaín de Campelo”.

Está pasando!

mér23out17:30'O cuco, veu por acá e marchou por alá', con Percubebés en Pontevedraapego no outono 202417:30 Pontevedra

mér23out18:30Proxección de ‘Sobre todo de noche’ en Pontevedraciclo de proxeccións dos premios feroz 202518:30 Pontevedra

xov24out20:30Concerto de Big Star en Vigo50 aniversario de “Radio City”20:30 Vigo

ven25outConsultarFestival de poesía 'Veñan as cinco' en Pontevedra25, 26 e 27 de outubro de 2024(Consultar: venres) Pontevedra

VER MÁIS AXENDA