Festival Surfing the Lérez en Pontevedra

ven14xuñConsultarsáb15xuñFestival Surfing the Lérez en Pontevedra14 e 15 de xuño de 2024(Consultar) Illa do Covo - Pontevedra

Detalles do Evento

A contorna da Illa do Covo servirá do escenario para o desenvolvemento do festival Surfing the Lérez nesta fin de semana. Durante dous días, bandas e artistas como The Rapants, Nena Daconte, Boyanka Kostova, Javier Lago, Juno, Hydn, Terbutalina, Meu, Ortiga ou Niños Mutantes encherán de música este espazo ao carón do Lérez.

A montaxe para que todo estea listo para o venres, 14 de xuño, xa comezou e poden verse as primeiras estruturas na zona. Alén destes preparativos, a organización lembra que o festival conta cun caracter solidario co que agarda superar as propias marcas de edicións anteriores. Todo aquel que se achegue até a Illa do Covo para gozar da música pode (e debería) achegar tamén algún tipo de alimento non perecedero para ser recollido pola Rede Axuda.

Trátase dunha iniciativa que se vén celebrando ao longo das distintas edicións deste evento e que sempre gozou de moito éxito.

A entrada para o Surfing the Lérez, evento apoiado polo Concello de Pontevedra, é totalmente de balde. De novo, o festival contará con catro escenarios, unha zona gastronómica e barras de bebidas.

Os horarios da súa primeira xornada, o venres 14 de xuño, son os seguintes:

17:30 h. Javier Lago

18:00 h. Djow / Amoebo

18:40 h. Hydn

19:20 h. Jordana B

20:00 h. Neno Tribal

20:20 h. Nena Daconte

20:30 h. Chef Creador

21:30 h. Boyanka Kostova

22:00 h. Meu Cariño

22:30 h. Capital Voskov

22:40 h. Juno

23:50 h. Grande Amore

00:00 h. La Suprema

01:00 h. Galician Army

Para o sábado 15 de xuño:

12:30 h. Los Marcianos

13:30 h. The Rapants

14:30 h. Parking Dust

14:55 h. Meu

15:00 h. Caldo

15:55 h. Lady Banana

16:30 h. Karma DJs

16:55 h. Agoraphobia

17:55 h. Atención Tsunami

18:30 h. Señora DJ

18:55 h. Camellos

20:30 h. Niños Mutantes / Baby Romeo

21:00 h. Futuro Alcalde

21:55 h. Terbutalina

22:30 h. BB Wav + Elba

23:05 h. Joe Crepúsculo

00:15 h. Ortiga

00:30 h. Maefield

01:30 h. Gorllitox