This is a repeating event5 outubro 2024

Visitas teatralizadas de Samaín para adultos no Castelo de Soutomaior

ven04outConsultarVisitas teatralizadas de Samaín para adultos no Castelo de SoutomaiorDo 4 ao 26 de outubro de 2024(Consultar: venres) Castelo de Soutomaior - Soutomaior

Detalles do Evento

Este Samaín, coma cada ano, a Deputación de Pontevedra convídate a vivir unha experiencia única e aterradora no Castelo de Soutomaior. Á noitiña, as súas portas abriranse para aquelas e aqueles valentes dispostos a explorar os escuros recunchos do castelo e descubrir os misterios que agochan as súas murallas.

Durante 50 minutos acompañarás a Félix polas distintas zonas do castelo onde vivirás desagradables encontros.

Atréveste a enfrontarte ás almas que aínda vagan polo castelo?

As visitas teatralizadas serán a cargo da compañía Troula Animación e baséanse na idea de que os asistentes o pasen ben pasándoo mal.

Esta actividade para público adulto terá lugar os venres e os sábados (os días 4, 5, 11, 12, 18, 19, 25 e 26 de outubro) en horario de 20:00 horas e 21:45 horas

As entradas están á venda en castelodesoutomaior.com e custan 8 euros por persoa.

Información xeral:

Esta visita comezará na porta principal do castelo. Diríxete ao persoal de seguridade e móstralle o código QR que aparece na túa entrada.

Debes presentarte 10 minutos antes da hora sinalada na entrada.

Os horarios son orientativos, xa que poden sufrir variacións.

Trátase dun percorrido con pouca luz.

A visita non está recomendada para persoas con problemas cardíacos nin menores de 14 anos.

Non se permite acceder con bebida nin comida.

Debes respectar en todo momento as normas indicadas para o bo desenvolvemento da actividade. A organización reserva o dereito a expulsar do recinto a toda persoa que non cumpra as normas establecidas.

A entrada non é reembolsable segundo a Ordenanza reguladora do uso, funcionamento e organización do castelo de Soutomaior, de 13 de novembro de 2018.