Presentación do Mercado Mariñeiro | © Concello de Bueu

O aparcadoiro de As Lagoas en Bueu acollerá o domingo 5 de novembro un mercado mariñeiro

29 Outubro 2023

O evento celebrarase no aparcadoiro de As Lagoas entre as 11 e as 20 horas e será un escaparate para coñecer tamén novos proxectos

O Concello de Bueu, a través da concellaría de promoción económica e turismo, organizará o próximo domingo 5 de novembro un mercado mariñeiro no aparcadoiro de As Lagoas, espazo no que diversos establecementos comerciais ofrecerán os seus produtos de temática relacionada co mar.

Co obxectivo de seguir potenciando a historia, a cultura e a gastronomía mariñeira, Silvia Carballo, concelleira da área, salienta que “esta iniciativa xorde para dinamizar tamén o comercio e a hostalaría da vila”. Así, en As Lagoas situarase entre as 11 e as 20 horas unha carpa con postos diversos de venda de produtos de temática mariñeira, e haberá tamén un espazo gastronómico para que as persoas que o desexen poidan comer alí.

O que se pretende, pois, é ofrecer un plan para compartir en familia, a través de degustacións, presentacións de proxectos e charlas, actuacións musicais e tamén actividades para a cativada.

O Concello de Bueu leva anos apostando pola dinamización do comercio e a hostalaría local, e polos hábitos saudables. De aí que este mercado entronque coas feiras ecolóxicas e artesanais que se organizan dende hai máis dunha década e que contan con gran acollida entre a poboación.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA