Centro de Interpretación das Torres Arcebispais | © Visit Pontevedra

O CITA festexa este sábado 18 o Día Internacional dos Museos con programación especial e visitas de balde

16 Maio 2024

  • O lema desta edición do Día dos Museos será ‘Museos pola educación e a investigación’
  • As visitas realizadas na xornada do sábado serán gratuítas para todos os públicos
  • As 20:00 horas terá lugar a conferencia “A espada ao servicio da igrexa: vida e morte de Prisciliano” da man do Licenciado en Historia Diego Piay Augusto

O vindeiro sábado 18 de maio terá lugar o Día Internacional dos Museos, este ano baixo o lema ‘Museos pola educación e a investigación’.

O evento que, segundo o ICOM (Consello Internacional de Museos) ten como obxectivo sensibilizar ao público sobre o feito de que “os museos son un medio importante para os intercambios culturais, o enriquecemento de culturas, o avance do entendemento mutuo, a cooperación e a paz entre os pobos” celébrase cada ano desde 1977 e reúne cada vez máis museos en todo o mundo.

As accións especiais para esta data no CITA (Centro de Interpretación das Torres Arcebispais de Pontevedra) serán as seguintes:

  • Visita gratuita para todo tipo de públicos no seu horario habitual de apertura de 10:00 a 14:00 horas e de 17:00 a 21:00 horas.
  • 20:00 horas. Conferencia “A espada ao servicio da igrexa: vida e morte de Prisciliano” da man do relator Diego Piay Augusto, Licenciado en Historia na USC, coas especialidades de historia antiga e arqueoloxía e Doutor en Historia.
Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA