O Museo de Pontevedra convoca o concurso fotográfico xuvenil ‘Pegadas do mar e da terra’

10 Marzo 2021

Como actividade complementaria á exposición ‘José Suárez. 1902-1974’ o Museo de Pontevedra propón un concurso de fotografía dixital feita co móbil para as mozas e mozos que cursen ESO ou Bacharelato.

José Suárez inmortalizou coa súa cámara o traballo das nosas xentes e as súas pegadas no mar e na terra. Por iso como homenaxe a el, as fotografías presentadas deben ser en branco e negro e xirar en torno a unha destas dúas temáticas, onde os obxectos e as xentes vencelladas a estes labores tradicionais sexan os verdadeiros protagonistas: aparellos de pesca, marisqueo ou de labranza, pezas de olería, embarcacións tradicionais…

Só se admitirá unha fotografía en branco e negro por persoa, quen certifica que é unha obra propia, orixinal e inédita.

Deberán ser enviadas á seguinte dirección de correo electrónico: educacion.museo@depo.es

O prazo límite de presentación de imaxes será o 11 de abril.

Outorgaranse dous premios en función do nivel educativo, ESO e Bacharelato, en cada unha das seguintes categorías temáticas: Pegadas do mar e Pegadas da terra.

Consulta aquí as bases (PDF)

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA