Silvia Cernadas e Rosana Comesaña na presentación do XXIII Certame da Camelia | © Concello de Soutomaior

Soutomaior celebrará o XXIII Certame da Camelia os días 1 e 2 de febreiro

13 Xaneiro 2025

  • O mércores, 15 de febreiro, ábrese o prazo de inscrición para participar neste XXIII edición deste Certame da Camelia, un prazo que estará vixente ata o 24 de xaneiro.
  • Este ano como novidade, o certame volverá as súas orixes, e celebrarase na Casa do Pobo do Val – Sobral.

A concelleira de Promoción Económica, Hostalería e Comercio, Rosana Comesaña, e a concelleira de Turismo e Cultura, Silvia Cernadas, presentaron esta mañá a XXIII edición do Certame da Camelia do Concello de Soutomaior.

Unha cita que seguirá sendo un punto de referencia para que as persoas cultivadoras e afeccionadas participen na exhibición das composicións de camelias. Unha cita destinada tamén para todas aquelas persoas que simplemente senten curiosidade ou son fans desta marabillosa flor que tanto simboliza e evoluciona coa paso do tempo e que quere estar presente unha vez máis neste Certame para visitar os postos expositores nos que se presentan tantas novidades cultivadas nas terras galegas.

Inclúese como actividade principal a exposición de composicións de flor de Camelia que se desenvolverá este ano como novidade na casa do Pobo do Val-Sobral en Soutomaior, nos centros educativos e nos escaparates no comercio/hostalería local e as actividades complementarias que destacan o valor que a Camelia ten a nivel artístico-cultural, a nivel social como símbolo do movemento feminista e sufraxista, a nivel benestar-saúde e a nivel de promoción económica para facer deste Certame un evento diverso, creativo, enriquecedor, participativo e motivador.

Accións incluídas neste Certame da Camelia 2025

Exposición de flores e composicións de Camelia que se realizarán nos centros educativos do municipio, nos escaparates dos comercios e establecementos e na Casa do Pobo do Val-Sobral; actividades complementarias de dinamización entre as que destacamos a realización dun mural creativo- colectivo “Camelias artísticas”, actividade de relaxación con aceite de Camelia ou o concerto da Coral de Soutomaior que terá lugar o domingo 2 de febreiro.

Ao certame poderán concorrer todas as persoas, profesionais ou afeccionadas, nacionais ou estranxeiras, físicas ou xurídicas, sempre que realicen a súa inscrición segundo estas Bases e que se atopen na situación que motiva a concesión destes premios do XXIII Certame da Camelia, e cumpran os seguintes requisitos: presentar unha composición de flores de calquera especie e variedade de Camelia, así como calquera dos seus híbridos. Poden consultar as bases en soutomaior.gal

No caso de presentarse menores de idade ao Certame, a título particular, deberán contar coa autorización dun representante legal, e achegar a autorización xunto coa solicitude. Os centros educativos non teñen que presentar autorizacións de menores. Participa o centro educativo como tal.

Un Certame que contará con premios económicos en todas as categorías, (centros educativos, comercio e hostalería e a exposición no Val – Sobral) e que tamén contará co premio especial Lelita Gradín, este ano como novidade para este premio tamén se implica a artesanía local cunha peza deseñada por León Lagata para este certame. Outro dos premios que tamén se outorgarán nesta XXIII edición é o premio á inclusividade.

O prazo de inscrición para participar no Certame comeza o mércores 15 de xaneiro, e remata o venres 24 de xaneiro ás 14:00 horas. As datas principais da edición XXIII Certame da Camelia serán os días 1 e 2 de febreiro deste 2025. Ainda que o 31 de xaneiro a Biblioteca Luís Seoane tamén acollerá unha edición especial da “Hora do Conto” centrada na Camelia.

Está pasando!

mér15xan18:00Visitas guiadas 'É tempo de xogar' en PontevedraColección de Juan Manuel Alfaya Ocampo18:00 Pontevedra

mér15xan20:30'El Lago de los Cisnes' do Ballet Clásico Internacional en Pontevedra Ballet Clásico Internacional20:30 Pontevedra

xov16xan18:00Visitas guiadas 'Acisclo en 66 obras' en PontevedraPEZAS DO ESCULTOR OURENSÁN ACISCLO MANZANO18:00 Pontevedra

xov16xan19:00Visitas guiadas á exposición de 'Simultánea' en Pontevedra'ABSTRACCIÓNS E MENSAXES CIFRADAS'19:00 Pontevedra

VER MÁIS AXENDA