Presentación do Día de Colón 2025 | Concello de Poio

Unha programación moi completa, atractiva e para toda a familia ofrecerán unha experiencia única en Poio co Día de Colón

3 Maio 2025

  • Exhibición de cetrería, espectáculo na rúa, xustas medievais, teatro, mercados medievais, actividades para os máis pequenos…
  • Unha festa que non só supón unha defensa da teoría do Colón galego, senón que tamén supón un revulsivo e dinamizador socioeconómico do concello

A Casa Museo de Colón, en Portosanto, foi o lugar elixido para presentar a programación do Día de Colón, que se celebra o vindeiro venres e sábado, 9 e 10 de maio, en Combarro.

Organizado polas asociacións Combrus, Leucoíña e Vides Novas, coa colaboración do Concello de Poio, segundo recoñeceu o alcalde, Ángel Moldes, conta cunha programación moi completa, atractiva e para toda a familia que supón un revulsivo e dinamizador socioeconómico moi importante para o concello fóra da tempada alta, ademais de seguir defendendo a teoría da orixe galega do almirante que, insisten, está moi documentada.

O escritor Rodrigo Costoya Santos, autor da novela “Portosanto”, será o pregoeiro dunha edición que arranca o venres, ás 17.00 horas na Praza da Chousa coa apertura do mercado artesanal. Unha xornada na que tamén se inclúe unha exhibición de cetrería e a chegada da Nao Santa María con Colón e a súa tripulación acompañados por músicos e outros artistas.

Xa o sábado, haberá moito espectáculo na rúa, xusta medieval, tiro con arco, esgrima, concerto, obradoiros… e outros xogos e actividades para toda a familia que farán do Día de Colón en Combarro unha experiencia única.

PROGRAMA 11ª EDICIÓN DO DÍA DE COLÓN

Venres, 9 maio

  • 17.00 h. Apertura do mercado artesanal. Praza do Portosanto (Praza da Chousa)
  • 19.00 h. Exhibición de cetrería: “Las Águilas de Valporquero”. Praza do Portosanto (Praza da Chousa)
  • 20.00 h. Chegada da Nao Santa María con Colón, a súa tripulación, músicos e outros artistas. Praza do Portosanto (Praza da Chousa)
  • 20.30 h. Lectura do pregón a cargo de Rodrigo Costoya Santos, autor da novela “Portosanto”.
  • 21.15 h. Bailes medievais (Asociación Leucoíña). Praza do Portosanto (Praza da Chousa)

Sábado, 10 maio

  • 11.00 h. Apertura do mercado artesanal. Talleres demostrativos: canteiros, cesteiras, palilleiras, redeiras… Clases de esgrima medieval. Lugar: Praza do Portosanto (Praza da Chousa). Exhibición e obradoiro tiro con arco (Arco Xeve). Lugar: Praia de Punta Galea (Praia do Padrón).
  • 11.30 h. Comezo da Festa dos Meniños. Lugar: Praza do Almirante (Praza do Alcalde). Zona infantil na Praza do Portosanto (Praza da Chousa).
  • 12.00 h. Durante todo o día artistas percorrerán as rúas con música e trucos (Vides Novas, Escola de Música Tradicional de Poio, Os Mendigos…). Bailes medievais (Asociación Leucoíña). Lugar: Praza do Portosanto (Praza da Chousa).
  • 12.30 h. Exhibición de esgrima histórica (Sala Viguesa de Esgrima Antigua). Lugar: Praza de Portosanto (Praza da Chousa). Teatro polas rúas, con Moura Teatro, acompañados de percusión, gaiteiros, cantos…
  • 13.00 h. Exhibición de cetrería: “Las Águilas de Valporquero”. Lugar: Praza do Portosanto (Praza da Chousa).
  • 16.00 h. Exhibición e obradoiro de tiro con arco. Lugar: Praia de Punta Galea (Praia do Padrón).
  • 16.30 h. Carreira de barrís e de sacos, lanzamento de alpacas… (Grupo Carnaval Samieira). Lugar: Praza do Portosanto (Praza da Chousa). Músicos e artistas percorren as rúas: Pandereteiras do Ronsel, Os Queimatasas, Os Mendigos, Escola de Música Tradicional de Poio).
  • 17.00 h. Exhibición de esgrima histórica (Sala Viguesa de Esgrima Antigua). Lugar: Praza de Portosanto (Praza da Chousa).
  • 17.30 h. Exhibición de cetrería: “Las Águilas de Valporquero”. Lugar: Praza do Portosanto (Praza da Chousa).
  • 18.30 h. Xusta Medieval (Especialistas Hípica Celta). Lugar: Praza de Portosanto (Praza da Chousa).
  • 20.00 h. Concerto música medieval “Os Mendigos”. Lugar: Praza San Salvador (Praza San Roque).
  • 21.00 h. Espectáculo medieval de Lume. Lugar: Praza de Portosanto (Praza da Chousa).
Está pasando!

dom04maiConsultarTapeaPoio 2025II certame de tapas de Poio(Consultar: domingo) Poio

dom04maiConsultarVisita guiada á exposición permanente do Museo de Pontevedrasábados,domingos e festivos(Consultar: domingo) Pontevedra

dom04mai18:00'A teteira de Kabul' en Redondelaun espectáculo de Xarope Tulú18:00 Redondela

dom04mai20:00'Continente María' en VigoUn diálogo con María Casares20:00 Vigo

VER MÁIS AXENDA