Eoghanxo Unit | © Ramón Yoshimura

Os Chaneiros pecharán o XI Memorial Antonio Fernández co espectacular concerto Eoghanxo Unit, o novo proxecto musical de Anxo Lorenzo e Eoghan Neff

12 Setembro 2024

O sabado 14 de setembro, con motivo do 50 Aniversario de Os Chaneiros, realizarase unha gala no Auditorio do Colexio SEI San Narciso de Marín ás 19:00 horas.

A gala consistirá nun reencontro de exmembros da asociación, que nos deleitarán cun par de pezas por xeración e que culminará co espectacular concerto de Eoghanxo Unit, o novo proxecto musical de Anxo Lorenzo e Eoghan Neff.

A entrada será de balde para tódolos asistentes ata completar aforo.

O finalizar ó concerto, os exmembros da asociación artístico-cultural marinense poderán compartir lembranzas e porse o día cunha cea foliada, para que a festa continúe. Selo inconfundible de Os Chaneiros.

EOGHANXO UNIT

Un dos sons máis recoñecibles do panorama folk internacional dos últimos 15 anos, a unión icónica gaita/violín Anxo Lorenzo e Eoghan Neff alcanza novos horizontes na innovación e o virtuosismo.

Ao novo proxecto Eoghanxo Unit únense dous grandes artistas da música fusión galega Jorge Juncal (Wöyza & The Galician Messengers, Faltriqueira) e José Stewart (Sonus de Gaia, The Great Game) con sintetizadores e batería.

Neste “bálsamo para os oídos que ansían sabores novos” (Irish Music Magazine) Eoghan ampla as súas celebradas “demoníacas e cegadoras” (IOM TODAY) capacidades instrumentais como “violinista extremo” (Folk World) incorporando obxectos preparados, curiosidades motorizadas e unha “excepcional mestría do looping en directo” (Folk Radio UK) e “o incrible Anxo” (Fatea magazine) aumenta a súa “combinación de auténtica velocidade e desenfreada imaxinación difíciles de crer” (Geoff Wallies at the Music Review).

Está pasando!

xov21nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

xov21novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: xoves) Ribadumia

xov21nov18:30Proxección de 'Amanece que no es poco' en Pontevedraciclo de proxeccións dos premios feroz 202518:30 Pontevedra

xov21nov20:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 20:00 Pontevedra

VER MÁIS AXENDA