Presentación do 13º Salón Edugal | © Concello de Pontevedra

Edugal abre as súas portas este mércores como punto de encontro para a oferta formativa e a orientación educativa

8 Outubro 2024

O Recinto Feiral de Pontevedra acolle a 13ª edición dun salón xa consolidado e nacido baixo a vontade do Concello de Pontevedra e de Aempe, e que se celebrará entre o 9 e o 11 de novembro

A edil de Promoción económica, Anabel Gulías, presentou este luns, 7 de outubro, unha nova edición da feira Edugal, o clásico salón da oferta de educación e formación de Galicia que se desenvolverá entre o 9 e o 11 de novembro no Recinto Feiral de Pontevedra.

A 13ª edición desta cita procura ser de novo un punto de encontro de estudantes, profesores, orientadores, pais e nais, responsables de centros educativos e profesionais da educación. Tal e como lembrou a vicepresidenta de Aempe e directora da feira, Conchi Pereiro, Edugal pretende posicionarse «como o salón educativo de referencia en Galicia, tratando de dar resposta as necesidades de información sobre a oferta formativa e orientación educativa».

Pola súa banda, Gulías sinalou que Edugal é un programa «consolidado» na cidade de Pontevedra, nacido da vontade do Concello de Pontevedra e de Aempe para «falar de cuestións que cremos imprescindíbeis á hora de falar dunha cidade dinámica, viva e onde se favoreza o emprendemento». «Edugal busca ser un punto intermedio para esa xente que busca unha orientación entre os estudos e o mercado laboral», indicou.

O horario do certame do mércores e xoves é de 10.00 a 18.00 horas e o venres, de 10.00 a 15.00 horas.

Toda a información do salón pode ser consultada en edugal.es, así como o número de expositores que se achegarán este ano (sobre sesenta stands). Cómpre sinalar que nesta edición estarán presentes por vez primeira as universidades de Ávila e de Salamanca.

Está pasando!

dom24nov09:00Andainas Saudables da Eurocidade Tui-ValençaDo 7 de abril ao 15 de decembro de 202409:00 Eurocidade Tui-Valença

dom24novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: domingo) Ribadumia

dom24nov10:30II Medio Maratón Concello de VilagacíaCampionato Xunta de Galicia de Medio MAratón 202410:30 Vilagarcía de Arousa

dom24nov20:00'Non pasarán' de Ártika Cía en VigoV Festival 'Comediártiko'20:00 Vigo

VER MÁIS AXENDA