'Carmina Burana' de Carl Orff e 'Réquiem' de Mozart en Vigo

mér02abr21:00'Carmina Burana' de Carl Orff e 'Réquiem' de Mozart en VigoGran Orquesta Filarmónica de Minsk e Coro da Filarmónica de Chisináu21:00 Auditorio Mar de Vigo - Vigo

Detalles do Evento

‘Carmina Burana’ de Carl Orff e o ‘Réquiem’ de Mozart serán interpretadas no Auditorio Pazo de Congresos Mar de Vigo pola Gran Orquesta Filarmónica de Minsk e o Coro da Filarmónica de Chisináu.

‘Carmina Burana’ a obra máis famosa do compositor alemán Carl Orff, é un canto á vida, o amor, o baile, a bebida e o hedonismo – pero sempre cun ollo posto nos designios do destino.

Baseado en 24 poemas latinos medievais cuxo espírito despreocupado contrasta vivamente cos conceptos tradicionais da vida e a morte na Idade Media, esta cantata radical e potente para coro a gran escala, orquestra e solistas foi un gran éxito na súa estrea en 1937.

A súa popularidade en todo o mundo desde entón converteuna nunha firme favorita entre cantantes e público por igual.

‘Réquiem’ de Mozart

O feito de constituír a única misa de defuntos do seu extenso catálogo, de ser o seu último opus, inacabado (por mor do seu falecemento) e as misteriosas circunstancias que rodearon o seu encargo e composición, edificaron a lenda e a fascinación que o ‘Réquiem’ de Mozart continúa exercendo nos nosos días.

Entradas anticipadas á venda dende 37 euros en teuticket.com