Christmas festive decor still life on wooden background, concept of home comfort and holiday

O Concello de Baiona organiza un concurso de decoración de nadal para os establecementos do municipio

20 Novembro 2020

O Concello de Baiona, a través de la Concellería de Cultura do Concello de Baiona organiza un concurso de decoración de nadal para os establecementos do Municipio. O prazo estará aberto desde o 17 de novembro, ata o vindeiro mércores 1 de decembro.

O presente concurso ten por obxecto promover e incentivar a creatividade comercial de Baiona á hora de presentar os establecementos, facelos máis atractivos ao consumidor ou consumidora reforzando a imaxe dos mesmos e dinamizando o comercio no Municipio.

Desde o Concello de Baiona anímase aos negocios a converterse nun referente comercial decorativo no Val Miñor. A intención é que esta actividade tamén atraia até a vila a visitantes, veciños e veciñas co fin de gozar dunha contorna ambientada coa singular decoración que anime ás compras do Nadal.

A temática dos escaparates e dos establecementos estará vinculada ás datas de Nadal, o que contribuirá a crear un ambiente festivo propio destas festas. Desde o Concello premiarase aos negocios que, con motivo da campaña do Nadal 2020-2021 mellor engalanen las fachadas, escaparates e o interior dos seus negocios.

Haberá dúas categorías de premios a repartir entre os establecementos participantes: Premio á mellor decoración (500 euros) e premio á orixinalidade e innovación (500 euros).

Poderán participar neste concurso todos os establecementos do Concello de Baiona (comercio polo miúdo, restauración, hostalaría, etc. ) que o soliciten formalmente na Oficina de Rexistro do concello(necesario solicitar cita previa) ou a través da Sede electrónica até o mércores 1 de decembro, incluído. No caso dos asociados a Aceba, Coemsa, e Ovalmi, será a propia asociación quen poderá realizar as inscricións dos seus socios que o soliciten formalmente.

A decoración da fachada e a decoración interior deberán centrarse nas festas do Nadal e manterse como mínimo desde o día 5 de decembro até o 8 de xaneiro de 2021, ambos os incluídos.

En canto ás imaxes dos escaparates será necesario enviar un dossier de fotografías (máximo 10) que deberán presentarse para a valoración posterior do xurado e presentalo por rexistro do concello ou ben por sede electrónica nos termos previstos na cláusula segunda das bases do concurso, indicando o nome do establecemento a l que pertence. Na súa falta, será posible entregar un dispositivo USB con este contido ben na a sociacionesde comerciantes ou na propia Concellaría. Dátaa tope para entregar a documentación gráfica das creacións será até o 30 de decembro de 2020.

+info. e bases en baiona.org

Está pasando!

ven26abrConsultarLXIV Festa da Lamprea de Arbo 26, 27 e 28 de abril de 2024(Consultar: venres) Salvaterra de Miño

ven26abrConsultarPortonovo GastronómicoDo 26 ao 28 de abril de 2024(Consultar: venres) Sanxenxo

ven26abrConsultarI Ruta Pinchoterra en Salvaterra de MiñoTodos os venres do mes de abril(Consultar: venres) Salvaterra de Miño

ven26abr20:00Fran Sieira presenta 'Ceibe' en VilagarcíaREDE GALEGA DE TEATROS E AUDITORIOS (AGADIC)20:00 Vilagarcía de Arousa

VER MÁIS AXENDA