'Solo' de Roi Borrallas nos Domingos do Principal

dom02feb12:00'Solo' de Roi Borrallas nos Domingos do PrincipalTeatro para toda a familia12:00 Teatro Principal de Pontevedra - Pontevedra

Detalles do Evento

Roi Borrallas, clown galego asentado en Cataluña, trae o domingo 2 de febreiro aos Domingos do Principal, un espectáculo delicado, que combina monicreques con traballo de clown e manipulación.

Un pallaso ten que estar no palco, co seu público. Mais, que acontece cando queda só? É no camarín onde se mesturan persoa e personaxe. Onde se desfigura a liña que os separa. Un limbo que non é o escenario nin a vida real.

É nesa fronteira onde ten lugar este espectáculo… Pasen e vexan a traseira deste artista, as súas ideas e tolemias, o que ninguén ve, un pallaso cando ninguén o observa.

• Premio Fetén 2023 ao Mellor Intérprete

• Premio Zirkolika 2022 ao Mellor Espectáculo De Pallasos

• Premio da Crítica ao Mellor Espectáculo Nacional de Circo 2024

• Premio da Crítica seleccionado para Mellor Espectáculo Familia 2024

Clown

Duración: 45 minutos

Recomendado a partir de 8 anos e público adulto

Dobre función: 12:00 e 18:30 horas.

Entradas a 4 euros e abonos para todo o ciclo a 12 euros á venda en Ataquilla.com. De non esgotarse, as entradas estarán tamén á venda unha hora antes de cada pase na billeteira do Principal.

DOMINGOS DO PRINCIPAL 2025

O ciclo de artes escénicas para público infantil e adulto Domingos do Principal, contará en 2025 con dúas tempadas, xa que tamén terá lugar a habitualmente programada en outono, entre outubro e novembro.

As compañías Roi Borrallas (Galiza/Cataluña), Artika Cía (Galiza), Elefante Elegante (Galiza) e La Chana (Salamanca) achegarán ao Teatro Principal espectáculos de teatro, monicreques, música ou clown.

Será nas xornadas dos domingos 2, 9, 16 e 23 de febreiro con pase dobre ás 12.00 e 18.30 horas.

O ciclo comezará o primeiro domingo de febreiro coa compañía Roi Borrallas: un clown galego asentado en Cataluña que montou a súa propia compañía. Trae un espectáculo delicado, que combina monicreques con traballo de clown e manipulación. É digno de ver non só para público infantil senón par apúblico adulto. Podería ser programado en Ponteatro e tería o mesmo éxito. Acumula unha morea de premios e vai sorprender.

O domingo 9, Domingos do Principal contará coa compañía veciña Artika, de Vigo, que vén cun espectáculo musical e trata o tema da diferencia, do rechazo ao que vén de fóra, etc. Un espectáculo amable, musical e divertido.

O 16 de febreiro chega a tamén galega Elefante Elegante, cun espectáculo plástico, visual, que fai reflexionar sobre a vellez e as situacións que se dan coa xente maior, o esquecemento, a soidade, etc. Traballa con linguaxe xestual que permite que haxa varias lecturas do espectáculo para a cativada e o público adulto.

O último domingo de febreiro, La Chana pechará a tempada de inverno con ‘Blancanievas’. Unha compañía de Salamanca que leva traballando dende o ano 87 e empregan a palabra e os obxectos. Nesta ocasión é unha versión en verso de Blancanieves onde todos os personaxes son lámpadas. É un espectáculo para cativada a partir de 6 anos con moitas chiscadelas para público adulto. Foi gañador do Premio Max no 2023 entre moitos outros recoñecementos.