Presentación da Programación Cultural de Inverno 2025 | © Concello de Redondela

Redondela ofrece unha ampla programación cultural con Tanxarina, o VII Ciclo de Teatro Infantil e o mellor humor

17 Xaneiro 2025

  • A programación inclúe a VII edición de Humor na Súa Tinta, coa actuación mañá sábado do polifacético Miguel Miguel co espectáculo “Acojonado”, e o 7 de febreiro será a quenda do monologuista Luis Álvaro.
  • Un dos grandes protagonistas da proposta cultural do Concello é Xosé A. Touriñán co monólogo “Aquí Tou!”, o 16 de febreiro.

A alcaldesa de Redondela, Digna Rivas, e a concelleira de Cultura, Rita Pérez Táboas, presentaron a programación cultural deste inverno xunto ao elenco da obra teatral “Territorios de Liberdade”, unha coprodución do grupo redondelán Tanxarina, Companhia Certa, de Portugal e o Centro Dramático Galego.

Como cada ano, a oferta cultural para este trimestre reúne un amplo e variado cartel de actividades para todos os públicos “con protagonismo para os artistas locais, e tamén para grupos e e artistas de recoñecido prestixio”, sinala a alcaldesa Digna Rivas.

A programación inclúe a VII edición de Humor na Súa Tinta, coa actuación mañá sábado do polifacético Miguel Miguel co seu monólogo “Acojonado”. A cita promete humor, risas, chistes e incluso maxia dentro dun mesmo show.

Outra das propostas é o o XI Ciclo de Teatro de Chapela, que organizan a Asociación Cultural e Social de Chapela e o Concello. Pérez Táboas sinala que este ciclo permite ampliar a oferta cultural á parroquia de Chapela con catro representacións teatrais. Mañá sábado actuará o grupo Lúa Chea, de Poio, coa obra “RESART, residencia de artistas”.

O 26 de xaneiro arranca o VII Ciclo de Teatro Infantil coa obra “Compaña”, que fusiona circo e marionetas, da compañía “Xampatito Pato”. O ciclo complétase con “Ándale! Bon appétit!” do grupo Ghazafellos o 23 de febreiro, ”Castelao” da compañía Culturactiva o 23 de marzo, e “A teteira de Kabul” de Xarope Tulú o 4 de maio. Todas as representacións do Ciclo de Teatro Infantil serán no auditorio da Xunqueira ás 18.00 horas.

‘Territorios de Liberdade’ | Tanxarina, Companhia Certa, de Portugal e Centro Dramático Galego

No mes de febreiro o auditorio da Xunqueira acollerá a obra “Territorios de Liberdade”, unha coprodución do grupo redondelán Tanxarina, Companhia Certa, de Portugal, e o Centro Dramático Galego. Este novo espectáculo, no que participan os redondeláns Luis Borines, Andrés Giráldez e Tatán, reflexiona sobre a liberdade cunha posta en escena que celebra o 50 aniversario da Revolución dos Caraveis. Será o día 15 ás 20.00 horas.

O domingo 16 de febreiro o protagonista será o actor galego Xosé Antonio Touriñán, co monólogo “Aquí Tou!”, ás 19.00 horas.

Outras proposta desta programación cultural son os concertos de Abeleiras, o 25 de xaneiro, Airiños da Peneda, o 22 de febreiro, Trobeiros da Ponte o 29 de marzo e Airiños do Mar de Teis, o 12 de abril.

Redondela contará tamén cunha programación especial de Entroido do 1 ao 4 de marzo, e en Chapela o Entroido será 8 de marzo.

Está pasando!

sáb18xan16:00Proxección da serie ‘El caso Asunta' en PontevedraPremios Feroz 202516:00 Pontevedra

sáb18xan16:30Dubbi Kids 'Emocionario' en VigoUn musical para gozar en familia!16:30 Vigo

sáb18xan18:00Visitas guiadas 'Acisclo en 66 obras' en PontevedraPEZAS DO ESCULTOR OURENSÁN ACISCLO MANZANO18:00 Pontevedra

sáb18xan19:00'A primavera da aldea' do grupo de teatro O Merlogrupo de teatro O Merlo do CEIP As Covas de Meaño19:00 Meaño

VER MÁIS AXENDA