‘Tres vellas na romaría’ | © Excéntricas Producións

Sete Falares, o encontro internacional de contadores de historias, regresa a Pontevedra do 2 ao 8 de xuño

7 Maio 2024

  • O evento, que anunciará nas vindeiras semanas o seu programa completo, terá lugar en diferentes emprazamentos da cidade de Pontevedra
  • O espectáculo inaugural ‘Tres vellas na romaría” o domingo 2 ás 20:00 horas no Principal chegará da man de Celso Fernández Sanmartín, Quico Cadaval e Guti
  • As entradas para esta primera cita están xa á venda en Ataquilla.com a un prezo de 8 euros (4 euros para estudantes, persoas desempregadas e maiores de 65 anos)

A que será a 12ª edición do Encontro Internacional de Contadores de Historias Sete Falares, chegará a Pontevedra o domingo 2 de xuño. Ao longo de 7 xornadas, ata o 8 de xuño, unha escolla de contadoras e contadores encherán os recunchos da cidade do Lérez.

O programa verá a luz nas próximas semanas pero a modo de adianto, xa están á venda en Ataquilla.com a un prezo de 8 euros as entradas para o que será o espectáculo inaugural o día 2 ás 20:00 horas no Teatro Principal: ‘Tres vellas na romaría’ da man de Celso Fernández Sanmartín, Quico Cadaval e José Luis Gutiérrez “Guti”.

Sinopse. Regresan as Tres vellas. En ‘Tres vellas na romaría’ saímos do mundo do traballo e buscamos nas memorias das devanceiras os días gloriosos de romarías e festas, os bailes, os milagres, as devocións, os exorcismos, as empanadas e os melindres, o viño novo e a caña brava… As Tres vellas lían á cabeza os seus máis fermosos panos rameados, para saír a bailar as muiñeiras, xotas e bailes charros nos turreiros das festas. O repertorio componse de todo o que rodea o mundo estival das romarías: milagres, romances, ofrendas devotas, relatos humorísticos, un mundo no que se mistura a superstición e o festeiro escepticismo.

Unha viaxe equidistante aos tempos de “Deus é bo, mais o Demo non é malo”. Un repertorio no que se xuntan os xionllos esfolados das procesións cos pés encalecidos dos bailes. Parece un mundo esquecido, mais as Tres vellas regresan para contalo coa mesma frescura que se fose onte.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA