'La gramática' de Ernesto Caballero en Vigo

xov30xan20:30'La gramática' de Ernesto Caballero en VigoTempada de Abonos de Teatro Afundación20:30 Teatro Afundación - Vigo

Detalles do Evento

Dentro da Tempada de Abonos de Teatro Afundación, o xoves 30 de xaneiro, ás 20:30 horas, o Teatro Afundación de Vigo acolle a obra ‘La gramática’ de Ernesto Caballero.

75 min | castelán | NRM 12

DIRECCIÓN: Ernesto Caballero
ELENCO: María Adánez, José Troncoso
PRODUCIÓN: Focus

«Unha sátira que homenaxea a nosa relación coa manda que, segundo Lázaro Carreter, constitúe o noso patrimonio máis sólido: a lingua»

Imaxinemos que un día calquera, de forma accidental, unha muller convencional se convertese da noite á mañá nunha erudita da lingua e a gramática.

Como mudaría a súa vida esta cuestión? Vería ensanchados os seus horizontes persoais e profesionais ou, polo contrario, estas novas destrezas levaríana á marxinación da súa contorna?

Imaxinemos, á vez, un reputado neurocientífico disposto a someter a muller a un intensivo proceso de desprogramación lingüística —en sentido oposto ao levado a cabo polo doutor Higgins sobre a florista Liza Doolitle na célebre obra Pigmalion de Bernard Shaw—.

A idea sería devolver a muller ao seu estado primario de limitación expresiva para evitarlle os trastornos de inadaptación social orixinados tras o accidente…

RENOVACIÓN DE ABONOS

Se te abonaches á última tempada, agora podes renovar o teu abono e reservar as mesmas butacas, de xeito online ou fisicamente:

Online, a través da ligazón que recibirás no teu correo-e, do 9 ao 15 de decembro.

Ou na billeteira do Teatro Afundación Vigo (Rúa Marqués de Valladares, s/n) ou na Sede Afundación Pontevedra (Augusto González Besada, 2), o día 16 de decembro, en horario de 11.00 a 14.00 e de 17.00 a 19.00 h.

VENDA XERAL DE ABONOS

Online en www.ataquilla.com do 17 de decembro ao 6 de xaneiro 2025 para Vigo ou ao 17 de xaneiro 2025 para Pontevedra.

VENDA DE ENTRADAS SEN ABONO

Online en www.ataquilla.com ou fisicamente na Sede Afundación Vigo (Policarpo Sanz, 26), a partir do 7 de xaneiro 2025 para Vigo, e tamén online ou na Sede Afundación Pontevedra a partir do 20 de xaneiro 2025 para Pontevedra.

CULTURA POR ALIMENTOS

Esta tempada enmárcase en Cultura por alimentos, un programa en colaboración coa Federación Española de Bancos de Alimentos, co obxectivo de contribuír a través de doazóns a incrementar os recursos dos Bancos de Alimentos de Galicia.

Desde Afundación, Obra Social ABANCA, convídannos a todas as persoas que asistades ás funcións a colaborardes con esta campaña solidaria, dando produtos non perecedoiros que se poderán depositar á entrada do teatro.

Máis información AQUÍ.